"Oq-tepa": Yig'in 20 dekabrdan boshlanadi

Eldor Usmonovich bugun klub rahbariyati bilan uchrashib, tayyorgarlik rejasini muhokama qildi. Unga ko'ra, jamoa yangi mavsumga 20 dekabrdan tayyorgarlikni boshlaydi. 28 dekabrga qadar davom etadigan mashg'ulotlar klub bazasi yonidagi suniy qoplamali maydonda o'tkaziladi.

Sakkiz kun davom etadigan o'quv-yig'in mashg'ulotlarining so'nggi kunida bitta nazorat uchrashuvi o'tkazilishi ham rejalashtirilgan. Hozircha jamoa biror bir futbolchi bilan rasman xayrlashgani yo'q. Boshqa klublardan ijaraga olingan o'yinchilar mavsumga tayyorgarlikni o'z jamoalarida boshlaydi. Birinchi yig'inda asosan klub bilan amalda shartnomasi bor futbolchilar ishtirok etadi. Qaysi o'yinchilar bilan xayrlashish yoki kimlarni taklif qilish masalalariga yig'in davomida oydinlik kiritiladi.