"Oq-tepa": “Bulat” irodali tarzda mag'lub etildi

Qozog'istonning “Bulat” klubiga qarshi “CHilonzor” suniy qoplamali maydonida bo'lib o'tgan o'rtoqlik o'yini dramatik tarzda kechdi. Bellashuvda jami 7ta gol urildi. Etiborlisi, gollarning 6tasi ikkinchi bo'limda darvozalardan joy oldi.

Hisob birinchi bo'limda mehmonlar tomonidan ochildi. Tanaffusdan so'ng “Bulat” futbolchilari o'rtadagi farqni ikkitaga etkazishdi. O'tkazib yuborilgan ikkinchi gol ham jamoamiz azolarining kayfiyatiga salbiy tasir qilgani yo'q. Aksincha, raqib darvozasi oldida bosimni kuchaytirgan o'yinchilarimiz sanoqli daqiqlar ichida hisobni tenglashtirishning uddasidan chiqishdi.

Avvaliga markaziy himoyachi Yaroslav Krushelnickiy hisobni qisqartirgan bo'lsa, oradan ko'p o'tmay hujumchi Abdulaziz Yusupov o'ng qanotdan havodan etkazib berilgan to'pni bir harakatda oyoqlari bilan darvozaning to'qqizligiga joylab, juda chiroyli gol orqali hisobni tenglashtirdi.

Biroq hujumga berilib ketgan futbolchilarimiz jarima maydoni ichida yo'l qo'ygan xatolari sababli uchinchi to'pni ham o'tkazib yuborishdi. Ammo o'yin yakunlanishiga 10 daqiqadan sal ko'proq vaqt qolganida Anvar Rahimov hisobni tenglashtirdi. So'nggi daqiqada esa, chiroyli kombinaciyadan so'ng darvozabon qarshisida yolg'iz qolgan Sardor Soibov uchrashuvga yakuniy nuqtani qo'yuvchi golni urib, jamoamizga irodali g'alabani taqdim qildi – 4:3.

Eslatib o'tamiz, “Oq-tepa” navbatdagi nazorat uchrashuvini ertaga birinchi liga vakili “Zomin”ga qarshi o'tkazadi. O'yin 11:00da “Oq-tepa” stadionida start oladi.

Nazorat uchrashuvi
OQ-TEPA – BULAT (Qozog'iston) – 4:3 (0:1)
13 mart. Toshkent. “CHilonzor” stadioni.
Bosh hakam: Vadim Agishev.
“Oq-tepa”: Islom Yoqubov, Farhod Miraahmatov, Yaroslav Krushelnickiy, Temur Yafarov, Eldor Ergashev, SHahzod Sulaymonov (Zafarjon Qoraqulov), Anvar Rahimov, Ildar Magdeev, Sergey Rekun, Sardor Soibov, Abdulaziz Yusupov.
Gollar: Yaroslav Krushelnickiy, Abdulaziz Yusupov, Anvar Rahimov, Sardor Soibov.