"Oq-tepa": 4 yanvar kuni "Lokomotiv" bilan o'ynaymiz

Rahbariyat va murabbiylar shtabi maslahatlashgan holda shu qarorga kelishdi. Futbolchilar 2 yanvar kuni tushda jamoa qarorgohida jam bo'lishadi. SHundan so'ng klub rahbariyati murabbiy va futbolchilar bilan uchrashib, kelasi mavsum rejalari bo'yicha suhbatlashib oladi. SHu kunning o'zidayoq birinchi mashg'ulot o'tkaziladi.

4 yanvar kuni "Oq-tepa" birinchi nazorat uchrashuvida maydonga tushadi. Raqib oliy liga vakili - "Lokomotiv". "Temiryo'lchilar"ga qarshi o'yin "Oq-tepa" stadionida soat 13:00da boshlanadi.