"Olmaliq": So'nggi nazorat bahsida g'alaba

Jamoamizga bu gal Minsk sharafini himoya etuvchi "Krumkachi" raqib vazifasini o'tadi. Uch hafta davom etgan mashg'ulotlar yakuni ijobiy natija bilan yakunlandi. Futbolchilarimiz bu bahsda raqibga hech qanday imkon qoldirishmadi va 5:0 hisobida zafar quchishdi. O'yinda urilgan gollarning barchasi ikkinchi taymda raqib darvozasiga kiritildi. Farhod Tojev xettrikka erishgan bo'lsa, Viktor Klishin va Sanjar Rihsiboev o'z hisobiga bittadan gol yozdirib qo'ydi.

SHu bilan jamoamizning Minsk shahridagi o'quv-mashg'ulotlari o'z yakuniga etdi. Ertaga kunning birinchi yarmida futbolchilar so'nggi mashg'ulotni yugurish yo'lakchasida o'tkazishadi. Kechki payt jamoa Minsk-Toshkent yo'nalishida yurtimizga qaytadi.