Oliy liga. O'tgan turda g'alaba qozona olmagan jamoalar bahsi
10 iyu 2016 15:52
Yangiliklar
![](https://championat.asia/upload/storage/211055_original.jpg)
![](/upload/storage/211055_220.jpg)
Oliy liga. O'tgan turda g'alaba qozona olmagan jamoalar bahsi
Oliy liga taqvimidan bugun to'rtta uchrashuv o'rin olgan. Toshkentning "Bunyodkor" klubi o'z maydonida Navoiyning "Qizilqum" jamoasini sinovdan o'tkazadi.
Oliy liga, 11-tur.
"BUNYODKOR" - "QIZILQUM"
Boshlanish vaqti: 19:00
Hakam: Temur To'xtasinov (Andijon)
Turnir jadvalidagi o'rni: "Bunyodkor" 2-o'rinda (26 ochko), "Qizilqum" 5-o'rinda (18 ochko)
Ochkolar orasidagi farq - 8.
Tarif: CHempionlik uchun harakat qilayotgan "Bunyodkor" oliy liganing bu yilgi "syurpriz" jamoalaridan biri "Qizilqum"ga qarshi. "Bunyodkor" oliy ligada hali yutqazmagan ikkita jamoadan biri bo'lib turibdi. Yana biri - "Lokomotiv". "Qizilqum" esa bu mavsumdan ancha kurashuvchan jamoaga aylandi. Jamoa tarkibida yaxshi futbolchilar etarli. Aynan mahoratli o'yinchilar evaziga "Qizilqum" raqibiga jiddiy qarshilik qilib ko'radi.
Fakt: Ketma-ket oltita o'yinni g'alaba bilan yakunlagan "Bunyodkor" o'tgan turda durang qayd etdi. Jamoa "Nasaf" bilan 1:1 o'ynadi. "Bunyodkor" o'z maydonida bir marta durang o'ynab, qolgan bellashuvlarda zafar quchgan. "Qizilqum" esa dastlabki besh turda mag'lubiyat nimaligini bilmadi va keyingi ikkita turda yutqazib qo'ydi. Oxirgi ikki turda esa jamoa to'rt ochko jamg'ardi.
Eslatma: Kecha o'tkazilgan "Bunyodkor" - "Qizilqum" (Yoshlar ligasi) bahsida yosh "qaldirg'ochlar" 5:1 hisobida raqibdan ustun kelishdi.
![AMP Logo](https://championat.asia/image/logo-amp.png)
Fikrlar