Olimpiadadagi eng yosh taekvondochi - Nigora Tursunqulova haqida
06 iyu 2016 11:01
Yangiliklar
![](https://championat.asia/upload/storage/210442_original.jpg)
![](/upload/storage/210442_220.jpg)
Olimpiadadagi eng yosh taekvondochi - Nigora Tursunqulova haqida
Ular orasida takevondo WTF ustalari ham bor. “Ular Olimpiada
boradilar”, ruknining bu galgi qahramoni terma jamoa azosi Nigora
Tursunqulova bo'ladi.
Nigora Tursunqulov – 1999 yil 4 aprel kuni Toshkent shahrida tavallud topgan. Yosh bo'lishiga qaramasdan asosiy terma jamoa tarkibida o'z o'rnini mustahkam egallab oldi va o'zidan ancha kattalar bilan cho'chimay bahs olib bormoqda. Yoshligidan taekvondoga mehr qo'ygan qiz olti yil muqaddam poytaxtimizning Yashnobod tumanida Dmitriy Xvan qo'li ostida taekvondo sirlarini o'rgana boshladim. Zalga kirib kelishi bilanoq intilishidagi qatiyat bilanmi yoki harakatidagi epchillikdanmi, birpasda ustozi etiboriga tushdi.
– Nigora ilk marotaba mashg'ulotga kelgan kunni yaxshi eslayman, – deydi murabbiyi Dmitriy Xvan O'zAga bergan intervyusida. – O'shanda u mashqlarni to'g'ri bajarishga harakat qilayotgani, mazkur sport turiga bo'lgan qiziqishi va ko'zlaridagi ishtiyoqini ko'rib, kelgusida istedodli sportchi bo'lib etishishiga ishongan edim.
Ko'p o'tmay, musobaqalarda qatnashishni boshladi. U 2010 yili taekvondo WTF bo'yicha Toshkent shahar chempionatida birinchilikni egalladi. 2011-2012 yillarda O'zbekiston chempioni bo'ldi va shu yili mamlakatimiz o'smirlar terma jamoasi safiga qabul qilindi.
Terma jamoa murabbiyi Abduvohid Rahimovdan sport sirlarini qunt bilan egallagan Nigora 2013 yili Germaniyada o'smirlar o'rtasida bo'lib o'tgan xalqaro musobaqada sovrinli o'rinni qo'lga kirita olmagan bo'lsa-da, ruhan sinmadi, o'z ustidan tinimsiz ishladi. 2013 yilning iyunida o'tgan “Korea Open” xalqaro turniri uni sportchi sifatida kashf etdi. 55 kg vaznda finalgacha bo'lgan yo'lni muvaffaqiyat bilan bosib o'tib, oltin medalni qo'lga kiritdi. O'sha yilning sentyabrida esa “Russia Open” musobaqasida natijani takrorladi – 1-o'rin.
Yutuqlari tasodif emasligini Nigora bir necha musobaqalarda qayta-qayta isbotladi.Xabarning davomini olamsport.com saytida o'qishingiz mumkin...
O’xshash yangiliklar
![AMP Logo](https://championat.asia/image/logo-amp.png)
Fikrlar