Oliy liga, 5-tur. Statistika va faktlar
14 apr 2014 07:00
Yangiliklar
Ushbu yilgi chempionatimiz starti avvalida ko'pchilik qiziqarli va boshqacharoq debyut kutishgandi. Kimningdir kutgani amalga oshgandir, yana kimningdir yo'q. Biz esa 5-tur statistikasi bilan tanishtirib o'tamiz. Ushbu turda katta bir sensacion natija bo'lgani yo'q.
Deyarli kutilgan natija va o'yinlar. Bu turda ikkita markaziy bahs maqomiga ega bo'lgan uchrashuvlar bo'lib o'tdi. Ikkalasi ham Toshkentda, Toshkent shahri va Toshkent viloyati jamoalari o'rtasida. Toshkent derbisida "qaldirg'ochlar" va "temiryo'lchilar" murosa ko'chasini tanlashdi. "Paxtakor" - "Olmaliq" o'yinida esa "sherlar" amalda bekorga peshqadamlikni o'z qo'llarida ushlab turishmaganini isbotlay olishdi.
5-tur statistikasi:
Kiritilgan gollar: 14
G'alabalar: 5
Mezbon jamoa g'alabasi: 3
Mehmon jamoa g'alabasi: 2
Durang: 2
Eng qo'pol o'yin: "So'g'diyona" - "Buxoro" 0:1 (7 ta ogohlantirish va 1 chetlatish)
Eng tartibli o'yin: "Qizilqum" - "Mashal" va "Metallurg" - "Navbahor" (3 ta ogohlantirish)
Eng qo'pol jamoa: "Buxoro" (4 ta ogohlantirish va chetlatish)
Eng tartibli jamoalar: "Nasaf", "Lokomotiv", "Mashal"
Tomoshabop o'yin: "Andijon" - "Dinamo" 2:3
Eng ko'p ishqiboz tashrif buyurgan o'yin: "Nasaf" - "Neftchi" 2:1 (8750 tomoshabin)
Eng kam ishqiboz tashrif buyurgan o'yin:"Metallurg" - "Navbahor" 2:0 (2445 tomoshabin)
Tomoshabinlar tashrifi jami: 43276 tomoshabin
O'rtacha tomoshabinlar tashrifi har bir o'yinga: 6182 tomoshabin
Turning kutilmagan natijasi: "So'g'diyona" - "Buxoro" 0:1
Turning eng yaxshi jamoasi: "Dinamo"
Ogohlantirishlar soni: 36
CHetlatishlar: 1
SHahboz Beg'amov

Fikrlar