Oleg Zoteev: "Mavsumni g'alaba bilan boshlash muhim edi"
29 fev 2020 17:26
Yangiliklar

Oleg Zoteev: "Mavsumni g'alaba bilan boshlash muhim edi"

Superliganing ilk turida "Lokomotiv" o'z maydonida "Andijon"ni 2:1 hisobida mag'lub etdi. O'yindan keyin "temiryo'lchilar" himoyachisi Oleg Zoteev klub matbuot xizmatiga o'z fikrlari bilan o'rtoqlashdi.

- "Loko" "Andijon"ga qarshi birinchi taymda juda yaxshi o'yin ko'rsatdi, biroq tanaffusdan so'ng biroz bo'shashdi. Jamoa toliqib qoldimi yo "Andijon" faollashdimi?
- Avvalambor barchani yangi mavsum boshlangani bilan tabriklayman. Jamoamiz muxlislarini esa g'alaba bilan tabriklayman. Biz ikkinchi taymda charchab qoldik deb o'ylamayman, faqat murabbiylar ko'rsatmasi biroz ortga qaytib hisobni saqlashga qaratilgan bo'ldi, chunki 2:0 hisobida oldinda borayotgandik. Mavsumni uch ochko bilan boshlash muhim edi, shu bois o'yin ko'proq natija uchun kechdi.

- Ikkinchi bo'limda murabbiylar shtabi ko'rsatmasi qanday bo'ldi?
- To'pni raqibga qoldirib bo'lsa-da, tezkor qarshi hujumlarga o'tish.

- Jamoa yangi futbolchisi Kirill Pogrebnyak birinchi turdayoq dublga erishdi. Uni qanday tabriklaysiz?
- Ko'ramiz. Nimadir o'ylab toparmiz.

"Lokomotiv" matbuot xizmati

Havola :

Manba : lokomotiv.uz

Yangiliklarni Telegramda o'qing!

Reyting: