OFK U23. Fotomaqola. O'zbekiston OTJ Iroqqa qarshi o'yin oldidan mashg'ulot o'tkazdi

Ikkinchi turda olimpiyachilarimiz Iroqqa qarshi maydonga tushishadi. Samvel Babayan shogirdlari ikkinchi tur o'yinidan oldingi so'nggi mashg'ulotni 15 yanvar kuni o'tkazishdi.

Mashg'ulotda Anvar Rashidov darvozabonlar bilan odatdagidek alohida shug'ullangan bo'lsa, qolgan futbolchilar Samvel Babayan boshchiligidagi murabbiylar ko'rsatmalari asosida to'p bilan muomala qilish va darvoza tomon aniq zarba berish mashqlariga ko'proq etibor qaratishdi. Mashg'ulot so'nggida futbolchilar ikkiga bo'lingan holda o'zaro bellashishdi.

Igor Sergeevga sardorlik bog'ichi yarashishini Janubiy Koreya bilan o'yinda ko'rdik, Iroqqa qarshi esa golni nishonlash uslubi o'ziga qanchalik yarashishini ko'rishni istaymiz. Igor Iroq darvozasiga urgan gollaringni har xil uslubda nishonla, har bir gol nishonlashing CA fotogalereyasidan joy oladi.

Jamshid sendan zargarona paslarni kutib qolamiz. Sen bunga qodirsan, biz senga ishonamiz.

Jaloliddin sen Neymarga havas qilasan, o'sha Neymar "zamax"da himoyachilarni "o'ldirib ketadi". Sen ham buni qoyillatasan, juda bo'lmasa penalti ishla, uyog'ini Igor amallaydi. ))

S.Babayan: Skripkachi musiqa chalayotganda uni ichiga kirib ketadi. Sizlar ham o'yin payti hamma narsani unutib uning ichiga kirib ketishingiz kerak. To'p sizga so'zsiz bo'ysunishi uchun uni skripkachi misoli boshqarishingiz lozim.

Ravshan Samvelni skripka chalishini qara, odatda u mashg'ulotda hushtak chalardi, bugun esa...

Samvel akaaa siz chalin, man raqsga tushib beraman...

J.Ilyosov: Akromni o'ynashini qarelaaa...

A.Rashidov: Javohir to'pga qara undan ko'ra, hozir darvozaga kirib ketadi.

A.Rashidov: Iroq darvozasiga kim uchta gol ursa mana shu to'plardan birini beraman.

Otabek SHukurov bugungi o'yinda uzoq masofadan ko'proq zarbalar berishga harakat qilishini aytib o'tdi. Otabek agar Iroq darvozasini ishg'ol qilsang fotomaqolaning bosh rasmida sen bo'lasan!

Tolibjon Qosimov

Doha, Qatar