OFK to'xtab qolgan JCH-2022 saralash bahslarini yodga oldi

Biroq koronavirus chiqib hammasini ostin-ustun qilib yubordi. Endilikda to'xtab qolgan bahslar kelasi yildan davom ettiriladi. Dastlabki ikki tur mart oyida o'tkazilsa, qolgan ikkita tur iyunning birinchi yarmiga qadar o'tib bo'ladi. 

SHundan so'ng keyingi bosqichga yo'l oladigan 12 jamoani bilib olamiz. OFK rasmiy sayti to'xtab qolgan JCH-2022 saralash bahslarini yodga oldi va har bir guruhdagi vaziyatga to'xtaldi. 

Malumki, JCH saralashning ikkinchi bosqichida jami 40ta jamoa kurash olib bormoqda. Jamoalar beshtadan 8 guruhga bo'lingan. Har bir guruhdan guruh g'oliblari hamda eng yaxshi ko'rsatkichga ega 4ta jamoa - jami 12 jamoa saralashning uchinchi raundiga yo'l oladi.

O'zbekiston terma jamoasi "D" guruhidan joy olgan bo'lib, 9 ochko bilan birinchi o'rinni egallab turibdi. Ikkinchi o'rindagi Saudiya Arabistoni hisobida 8 ochko mavjud. Bizda uchta o'yin qolgan, Saudiya Arabistonida esa 4ta. Bo'lib ham saudiyaliklar biz bilan Ar Riyodda o'ynaydi va bu eng markaziy bahsga aylanadi. 

OFK sayti "D" guruhidan qaysi jamoa keyingi bosqichga chiqadi?" deb so'rovnoma o'tkazishga ham ulgurdi va bunda Saudiya Arabistoni 60,94 foiz ovoz to'pladi. Milliy terma jamoamiz 27,84 % bilan ikkinchi bo'ldi. SHuni aytish kerakki, hozircha hammasi o'z qo'limizda. Agar navbatdagi uchta o'yinni ijobiy yakunlasak, guruh bahslarini albatta birinchi o'rin bilan tugatamiz.