OFK prezidenti shaffof saylov haqida gapirdi

Bunda so'zga chiqqan OFK prezidenti SHayx Salmon bin Ibrohim Al Xalifa bir qator masalalarni ilgari surdi. Xususan tashkilot rahbari 2019 yil 6 aprel kuni bo'lib o'tadigan OFK prezidenti saylovida hammasi shaffof bo'lishi kerakligini aytdi.

OFK prezidenti shunday dedi: "Hammangiz yaxshi bilasiz, saylov nihoyatda muhim jarayon hisoblanadi va hammasi feyr pley asosida o'tishi lozim. Xuddi futbolda bo'lgani kabi hammamiz saylov qoidalarini hurmat qilishimiz lozim".

"O'tgan besh yil mobaynida biz keng ko'lamdagi ishlarni amalga oshirdik. OFK rivojlanish sari dadil qadam tashladi. Biz saylov jarayonida uchinchi qo'llarning aralashuviga yo'l qo'ymaymiz. Hammasi qoida asosida kechishi kerak. OFKga azo barcha mamlakatlar o'zlari tanlagan nomzodga ovoz berish huquqiga egalar. Biz - bir oilamiz va buni unutmaslik lozim".

"2013 yildan beri Osiyoda futbol rivoji uchun ko'p ishlarni amalga oshirdik. OFK azo tashkilotlar birlashib ishlashi uchun bor imkoniyatini ishga soladi. Biz birgalikda mana shu tamoyillarni himoya qilishimiz kerak. OFK hammamiz birgalikda qurgan jamiyatni hech kimning buzishiga yo'l qo'ymaydi".

SHayx Salmon shuningdek, keyingi saylovda o'z nomzodini qo'yishini malum qildi. Bu borada OFK rahbari shunday dedi: "Toshkentda bo'lib o'tgan yig'ilishda men keyingi prezident saylovida o'z nomzodimni qo'yishimni aytib o'tgandim. SHuncha yil tashkilotga rahbarlarlik qildim va bundan keyin ham o'z ishimni munosib davom ettirishni xohlayman. Men OFKga azo 40 mamlakatdan nomzodimni qo'llab-quvvatlovchi xat oldim va bundan juda xursandman".