OFK Chaqiruv ligasi. O'zbekistonlik hakamlar Suriya va Bangladesh jamoalari o'rtasidagi uchrashuvda ishlaydi
12 avg 12:35
Yangiliklar

OFK Chaqiruv ligasi. O'zbekistonlik hakamlar Suriya va Bangladesh jamoalari o'rtasidagi uchrashuvda ishlaydi

Bugun OFKning klublar o'rtasidagi yangi mavsumi start oladi va kutilganidek, o'zbekistonlik referilar xalqaro turnirlar hamda uchrashuvlarda faoliyat yuritishadi.

Qatarning "Suhaym bin Hamad" stadionida OFK Chaqiruv ligasi saralash bosqichi doirasida "Karamax" (Suriya) va "Bashundxara Kings" (Bangladesh) jamoalari o'zaro bahs olib boradi.

Ushbu uchrashuvni o'zbekistonlik hakamlar brigadasi ishlaydi: bosh hakam – Firdavs Norsaforov, yordamchi hakamlar – Ruslan Serazitdinov va Alisher Usmonov, to'rtinchi hakam – Aqobirxo'ja Shukurullaev.

Shuningdek, OFK Elit Chempionlar ligasi G'arb mintaqasining guruh bosqichida ishtirok etuvchi 12-jamoani aniqlab beradigan "Duhayl" (Qatar) – "Sepaxon" (Eron) uchrashuvida tajribali mutaxassis – Vladislav Seytlin hakamlar nazoratchisi sifatida ish olib boradi.

Havola :

Manba : ЎзФҲМ

Yangiliklarni Telegramda o'qing!

Reyting: +2