O'FF prezidenti Milliy terma jamoa o'yinchilari bilan uchrashdi

Guruhda peshqadamlik qilayotgan O'zbekiston milliy terma jamoasi oxirgi o'yinni musobaqa mezbonlari – Qirg'iziston terma jamoasiga qarshi o'tkazadi.

O'zbekiston futzal federaciyasi prezidenti Bekzod Mamatqulov, 2026-yil Indoneziyada bo'lib o'tadigan Osiyo kubogi saralash musobaqasining oxirgi turi oldidan Bishkek shahriga etib keldi va terma jamoa o'yinchilari bilan uchrashdi.

"Sizlarning har bir harakatingiz O'zbekiston nomi bilan bog'langan. Biz barcha sharoitlarni yaratgan holda, yuksak natijalarga erishish uchun birgalikda ishlashimiz kerak. Qirg'iziston terma jamoasiga qarshi o'yin – bu biz uchun muhim sinov, shunday ekan, har biringiz maydonda so'nggi daqiqagacha bor kuch va mahoratlaringizni ishga solishingiz, kurashishingiz lozim" — dedi O'FF rahbari.

Ushbu uchrashuv terma jamoa o'yinchilarning ruhiyatini baland saqlash, so'nggi o'yin oldidagi motivaciyasini kuchaytirish borasida juda muhim ahamiyat kasb etdi.