So’nggi yangiliklar

02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  18 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  16 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  30 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  6 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7 21:55CAFA Nations Cup-2025. Ўзбекистон — Ўмон 1:1   29 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  376 21:23АПЛ. "Тоттенхэм" кутилмаганда ўз майдонида "Борнмут"га мағлуб бўлди, МЮ эса автогол ва пенальти эвазига "Бёрнли"дан устун келди  11

O'FF "Oltin vodiy" loyihasini tasdiqladi Yangiliklar

O'FF "Oltin vodiy" loyihasini tasdiqladi

Teglar :  Oltin vodiyTFFO'FF
O'zbekiston futbol federaciyasining Bolalar, o'smirlar va ommaviy futbol boshqarmasi Toshkent shahar futbol federaciyasining tashabbusi bilan "Oltin vodiy" loyihasi dasturini ishlab chiqdi.

Unga ko'ra, Farg'ona viloyati vodiy ligasining markazi sifatida qayd etildi va O'FF hamda PFL tomonidan maxsus dastur asosida boshqariladi. Toshkent shahar futbol federaciyasi tomonidan poytaxtda amalga oshirilayotgan barcha ko'lamdagi ishlar vodiyda ham amalda qo'llaniladi. Bu esa vodiy futbolining yana avvalgi mavqeiga qaytishi va u erdan yangidan yangi Fyodorov, Lebedev, Atoyan, Mirxoldirshoev, Saidov, Berdiev, Soliev, Kapadze, Ashurmatov kabi futbolchilar tarbiyalanishiga zamin yaratadi. XXI asr futbolida aksar vodiylik futbol yulduzlari bugungi kundagi muvaffaqiyatlariga poytaxt yoki Qashqadaryo jamoalarida to'p tepib erishganlar. Loyihani ishga tushirish orqali vodiylik mahalliy o'smirlarni o'z uylaridan uzoq bo'lmagan holda sifatli xizmat turini olishini taminlash bo'ladi.

SHu bilan bir qatorda vodiy jamoalarini professionallikka yo'naltirish chora-tadbirlari qo'llaniladi. Vodiy jamoalari uchun marketing, OAV, bolalar futboli, licenziyalash, murabbiylarning malakasini oshirish kabi dasturlar endi vodiyning o'zida tajribali mutaxassislar tomonidan o'rgatiladi.

SHuningdek, yagona markazda faoliyat olib boradigan mutaxassislar, vodiy jamoalari ishtirokidagi oliy va birinchi liga uchrashuvlarini OCHL saviyasida o'tkazish borasida mahalliy klublar bilan birgalikda ishlaydilar. Ayni kunda bunday xizmat turi bilan faqatgina OCHLning muntazam ishtirokchilari, "Bunyodkor", "Paxtakor", "Nasaf" va "Lokomotiv" maqtana oladi. Xuddi shu sifat oliy va birinchi liganing barcha jamoalarida bo'lishi darkor.

 "Oltin vodiy" loyihasi asosida vodiyning turli shaharlarida, turli xildagi tadbirlar tashkil etiladi. Mazkur loyiha asosida O'zbekiston Kubogi - 2018ning final o'yiniga ham aynan vodiy stadionlaridan biri mezbonlik huquqini mavsum boshida qo'lga kiritadi.

2018 yil mavsum avvalida professional klublar o'rtasida "Oltin vodiy" musobaqasi bo'lib o'tadi. Unda vodiy klublaridan tashqari Respublikaning boshqa jamoalari ham ishtirok etadilar. Bu esa jamoalarni yangi mavsum oldi o'tkaziladigan o'quv-yig'in mashg'ulotlarisifatli o'tishini taminlaydi.

Vodiy klublari va "Oltin vodiy" loyihasi ishtirokchilari 2018 yil OCHL o'yinlarining ishchi-guruhi tarkibida malaka oshiradilar. SHuningdek, "Neftchi", "Navbahor", "Andijon", "Qo'qon-1912", "Cementchi" kabi jamoalarning bolalar va o'smirlar futboliga masul xodimi bolalar futboli rivojlangan Evropa mamlakatlarida tajriba orttiradi. Bu loyiha yuqoridagi klublar bilan hamkorlikda amalga oshiriladi.

"Oltin vodiy" dasturi asosida quyidagi ishlar amalga oshiriladi:

1. 2-liga jamoalari o'rtasida vodiy ligasi;

2. U-14, U-16, U-18 jamoalari o'rtasida vodiy ligasi;

3. U-7 - U-18 jamoalari o'rtasida Farg'ona, Namangan, Andijon viloyatlarining ikki davralik tizimdagi chempionati;

4. U-7 - U-18 jamoalari o'rtasida vodiy viloyatlarining chempionati.

"Evropa andozasini o'rganib chiqar ekanmiz, Germaniya, Belgiya, Ispaniya va Italiya kabi davlatlar poytaxtida berilayotgan xizmat turi chekka-chekka qishloqlarda ham qo'llaniladi. Biz ham O'zbekistonda shu ishni qo'llaymiz. O'zbekiston Respublikasi Jismoniy tarbiya va sport davlat qo'mitasi bilan imzolangan memorandum yordamida vodiydagi barcha BO'SM va futbol licey-internatlari hamda Olimpiya zaxiralari kollejlarini nazorat qilgan holda, u erdagi ish sifatini oshirishimiz kerak bo'ladi. Buning uchun albatta vodiy ligasini tuzishimiz lozim bo'lardi.

SHu boisdan O'FF Bolalar, o'smirlar va ommaviy futbol boshqarmasi va Toshkent shahar futbol federaciyasi tomonidan "Oltin Vodiy" loyihasi ishlab chiqildi. Bu loyiha O'zbekiston futboli kelajagi yo'lida xizmat qilishiga ishonamiz. Loyiha davomida ko'plab yangiliklar bilan tanishib borasiz. 9 noyabr kuni O'zbekistonga Jahon futboli afsonasi, Evropa va Jahon chempioni Karles Puyol tashrif buyurayapti. Bu kabi tadbirlarni vodiyda ham o'tkazamiz. Xalqaro o'yinlar havosini olib kirishni maqsad qilganmiz. Bunga biroz vaqt ketadi, ammo dastur asosida uni ham uddalashimizga ishonamiz", - deydi O'zbekiston futbol federaciyasi Prezidenti Umid Ahmadjonov.

Reyting: +49   

Fikrlar

championat.asia
< so’nggi yangiliklarni ko’rish
Яндекс.Метрика