O'FA Ijroqo'm yig'ilishi bo'lib o'tdi, Ermatov Ahmadjonovning o'rnini egalladi
14 iyu 2019 19:35
Yangiliklar

O'FA Ijroqo'm yig'ilishi bo'lib o'tdi, Ermatov Ahmadjonovning o'rnini egalladi

Ayni paytda O'FA binosida yig'ilish boshlanmoqda.

Ushbu sahifada tadbirning voqealarini kuzatib borish mumkin.

- O'FA binosiga Superliga klublari rahbarlari, murabbiylari, viloyat futbol Associaciyalari rahbarlari yig'ilishgan.

- Eski rahbariyat bugungi yig'ilishga jurnalistlarni kiritmayotgan edi. Biroq yangi rahbariyat tashabbusi bilan jurnalistlar O'FA binosiga kiritildi. Bu haqda voqea joyidan championat.asia muxbiri xabar berdi.

- Vadim Abramov, Asqar Tolibjonov, Samvel Babayan, Ahrol Inoyatov, Murod Aliev kabi futbol kishilari shu erda.

- Sport vaziri Dilmurod Nabiev, uning o'rinbosari Oybek Kasimov, sobiq sport vaziri Rustam Qurbonov O'FA binosiga kelishdi.

- FIFA hakami Ravshan Ermatov ham shu erda. U O'FA vice-prezidenti bo'lishi kutilmoqda.

- DIQQAT! Majlislar zaliga MOQ prezidenti Rustam SHoabdurahmonov, Dilmurod Nabiev va Ravshan Ermatov kirib kelishdi. Yig'ilish boshlandi.

- O'zbekiston Respublikasi Prezidenti davlat maslahatchisi Abdujabbor Abduvohidov ham shu erda.

RASMIY XABAR. Ravshan Ermatov - O'FA Birinchi vice-prezidenti

FIFA hakami Ravshan Ermatov O'FA Birinchi vice-prezidenti etib saylandi.

O'zbekiston Respublikasi Ichki ishlar vazirining o'rinbosari polkovnik Jo'raev Muhiddin O'tkirovich esa O'FA vice-prezidenti sifatida saylandi.

O'FA bosh kotibi Sardor Rahmatullaev o'z arizasiga ko'ra lavozimini tark etdi. Uning o'rniga Avaz Maksumov O'FA bosh kotibi etib tayinlandi.

15 iyul kuni O'FA hisobot-saylov konferenciyasi bo'lib o'tadi. Unda O'FAga yangi prezident saylanadi.

"Yuksak ishonch uchun muhtaram Prezidentimiz SHavkat Miromonovich Mirziyoev va sizlarga katta minnatdorchiligimni bildiraman. Qolaversa turli yillarda futbolimiz ravnaqiga o'z xissasini qo'shgan, futbolimiz rahbarlari va mutaxassislariga futbol jamoatchiligi va o'z nomimdan katta rahmat aytaman. Ochig'i bu erda turishdan ko'ra futbol maydonida turish qulayroqdek tuyulmoqda (kuladi). Lekin futbolimiz oldida turgan og'ir, jiddiy va masuliyatli vazifalarni bilib turib, bir chekkada tomoshabin bo'lib turish, ona vatanimni sevishim, futbolni yaxshi ko'rishim va vijdonimga aslo to'g'ri kelmaydi. Albatta futbol bu jamoaviy o'yin. Agarda barchamiz birlashib, ahil bo'lib, faxriylarimiz duosini olib, mutaxassislarimiz, muxlislarimiz, hammamiz halollik bilan adolat bilan yondoshib, borimizni berib, yagona maqsad yo'lida futbolga xizmat qilsak ishonchim komilki har qanday qiyinchiliklarni engib o'tamiz", - deydi O'FA Birinchi vice-prezidenti Ravshan Ermatov.