Odil Hamrobekov shifokorlar tavsiyasiga ko'ra klub ixtiyoriga yuborildi
03 iyu 2017 17:52
Yangiliklar
![](https://championat.asia/upload/storage/257562_original.jpg)
![](/upload/storage/257562_220.jpg)
Odil Hamrobekov shifokorlar tavsiyasiga ko'ra klub ixtiyoriga yuborildi
Tayyorgarlik jarayoni doirasida “Nasaf” jamoasidan termaga chaqirilgan Odil Hamrobekovga dam berishga qaror qilindi. O'zbekiston Milliy olimpiya qo'mitasi qoshidagi tibbiyot markazida tekshiruvdan o'tgan futbolchiga shifokorlar dam olishni tavsiya qildi. SHu munosabat bilan yarim himoyachi klub ixtiyoriga yuborildi.
Yaponiyada to'p surayotgan Fozil Musaev va Qozog'istonda o'ynayotgan Aleksandr Geynrix bugun, 3 iyun kuni Toshkentga etib keladi. Xitoy chempionatida harakat qilayotgan Odil Ahmedov ertaga, 4 iyun kuni terma jamoa ixtiyoriga kelib qo'shiladi. SHu bilan terma jamoaga chaqirilgan barcha futbolchilar jam bo'ladi.
Eslatib o'tamiz, O'zbekiston milliy terma jamoasi 6 iyun kuni Toshkentda Tailandga qarshi o'rtoqlik o'yinida maydonga tushadi. Bellashuv “Bunyodkor” stadionida soat 20:00 da boshlanishi rejalashtirilgan. Eronga qarshi uchrashuv esa 12 iyun kuni Tehrondagi “Ozodi” stadionida Toshkent vaqti bilan soat 21:45 da boshlanadi.
![AMP Logo](https://championat.asia/image/logo-amp.png)
Fikrlar