Odil Ahmedov akademiyasiga kirishni maqsad qilganlar diqqatiga!

Kuni kecha tashkiliy qo'mita azolari Namanganda bo'lib, viloyat sport qo'mitasi raisi, sport kolleji va futbol liceyi direktori, viloyat FF Vice-prezidenti bilan hamkorlikda kelajak loyihasi borasida yakuniy to'xtamga keldilar.

Unga ko'ra, 2-3 iyul kunlari Namangan viloyatidagi jamoalar o'rtasida o'rtoqlik o'yinlari bo'lib o'tadi. Hayat azolari qatorida, Osiyo chempionlarining murabbiyi Dilshod Nuraliev ham bo'ladi. Aynan u kishining tavsiyalari orqali o'rtoqlik o'yinlarida o'zini har tomonlama ko'rsatgan futbolchilarga yakuniy imtihondan o'tish uchun tavsiyanoma beriladi. Davlat imtihonlari 11-15 iyul oralig'ida bo'lib o'tadi.

Vodiydan tashrif buyuradigan boshqa jamoalar ham ko'rikda ishtirok eta oladilar. Buning uchun quyidagi telefon orqali ro'yxatdan o'tish lozim.

Akademiyaga jami 15 nafar bola qabul qilinadi.

Vodiy jamoalari quyidagi raqamga murojaat qilishlari mumkin: +99894 6394699

Namangan viloyati jamoalari, Namangan viloyati futbol federaciyasiga murojaat qiladilar.

Yakka tartibda qatnashmoqchi bo'lgan 2004 yilda tavallud topgan futbolchilar, Namangan viloyati sport kollejiga hujjat topshirishlari lozim (2004 yilda tavallud topgan istagan vodiylik futbolchi hujjat topshirishi mumkin).

Qabul 10 iyulga qadar davom etadi.

Eslatma: Qabulga topshirgan sportchi sog'lig'iga doir bir nechta hujjatlarni taqdim etishi lozim bo'ladi va u uch kundan kam bo'lmagan muddatni o'z ichiga oladi. SHuning uchun, akademiyaga kirishni istagan futbolchilar tezroq harakat qilishlari lozim bo'ladi.