OCHL-2017. Bugun "Nasaf" va "Bunyodkor" o'ynaydi

O'zbekistonning ikki klubi musobaqaning guruh bosqichiga chiqish uchun bugun safarda maydonga tushishadi.

Qarshining "Nasaf" klubi Saudiya Arabistonida "Al Fateh" mehmoni bo'ladi. "Ajdarlar" o'tgan bosqichda Toshkentda Bahraynning "Al Hidd" klubini 4:0 hisobida mag'lub etishgandi. Bugungi o'yin Toshkent vaqti bilan soat 20:00da boshlanadi. Bahs SPORT telekanali orqali to'g'ridan-to'g'ri efirga uzatiladi. Ushbu o'yin g'olibi "B" guruhida "Istiqlol Xuziston" (Eron), "Al Jazira" (BAA) va "Lahviya" (Qatar) klubilari bilan kurashadi.

Toshkentning "Bunyodkor" klubi esa Qatarda "Al Jayish" bilan kuch sinashadi. Sardor Rashidov jamoasiga qarshi bahs Toshkent vaqti bilan soat 20:15da start oladi. Uchrashuv SPORT telekanalida 22:20dan boshlab yozib olingan holda namoyish etiladi. Bu o'yin g'olibi "C" guruhida "Al Ahli" (Saudiya Arabistoni) "Zob Ohan" (Eron), "Al Ayn" (BAA) klublari bilan o'ynaydi.