OCHL-2015. Raqiblarimiz o'yinlari haqida

"Paxtakor", "Lokomotiv" va "Nasaf" klublarining Osiyo chempionlar ligasi guruh bosqichidagi raqiblari qayd etgan natijalarni etiboringizga havola qilamiz.

"Paxtakor" bilan bir guruhdan o'rin olgan BAAning "Al Ayn" klubi safarda "Baniyas"ni 3:0 hisobida mag'lub etdi. Asamoa Gyan dublga erishdi, Miroslav Stox bitta gol urdi. "Al Ayn" 10ta o'yindan 23 ochko to'plab musobaqa jadvalining 2-pog'onasida bormoqda.

"Baniyas" - "Al Ayn" 0:3
Gollar: A.Gyan 38, 55, M.Stox 41.
 
"SHerlar"ning yana bir raqibi Saudiya Arabistonining "Al SHabab" klubi safarda "Al Ittihod"dan ustun keldi - 1:0. "SHabab" 12ta turdan so'ng 27 ochko bilan 3-o'rinda bormoqda.

"Al Ittihod" - "Al SHabab" 0:1
Gol: Abdulmajid Al Sulaihim 90+5


"Lokomotiv"ning raqibi "Al Hilol" klubi "Al Nasr" mehmoni bo'lib 0:1 hisobida mag'lub bo'ldi. "Hilol" 11ta uchrashuvda 23 ochko to'plab 4-o'rinda joylashgan.

"Al Nasr" - "Al Hilol" 1:0
Gollar: Muhammad Al Sahlavi 69 penalti

"Temiryo'lchilar"ning ikkinchi guruhdoshi "Fulad" "Persepolis" mehmoni bo'lib 2:1 hisobida g'alaba qozondi. Aloys Nong g'alaba to'pini kiritdi. "Fulad" 31 ochko to'plab 17ta turdan so'ng musobaqa jadvalida 4-o'rindan joy olgan.

"Persepolis" - "Fulad" 1:2
Gollar: Muhammad Nuri 43 - M.Bengar 1 avtogol, A.Nong 72.


"Nasaf"ning raqibi Eronning "Traktorsozi" klubi o'z maydonida "Zob Ohan"ni qabul qilib 2:1 hisobida zafar quchdi. Mezbonlar safida Bayrami va Iranpurian gol urishdi. "Traktorsozi" 31 ochko bilan musobaqa jadvalida 3-pog'onada bormoqda.

"Traktorsozi" - "Zob Ohan" 2:1
Gollar: M.Bayrami 31, M.Iranpurian 83 penalti - M.Hasanzoda 43.

"Ajdarlar"ning guruhdagi yana bir raqibi BAAning "Al Ahli" klubi ushbu tur o'yinini bugun safarda "Al Vahda" mehmoni bo'ladi.