OCHL. 2-turga nazar. Toshkentda atigi bir ochko

Eron klublari bilan kechgan bahsda "Bunyodkor" yutqazib qo'ygan bo'lsa, "Lokomotiv" durang o'ynadi. Quyida 3-tur o'yinlaridan oldin jamoalarning imkoniyatini chamalab ko'ramiz.

OCHL. "V" guruhi. 2-tur
"Bunyodkor" - "Persepolis" 0:1

"Bunyodkor" o'yindagi yagona golni penaltidan o'tkazib yubordi. SHundan so'ng jamoa oxirigacha kurash olib bordi, biroq raqib darvozasiga to'p kirita olmadi. Negaki eronliklar o'yinning qolgan qismini juda ehtiyotkorlik bilan o'tkazishdi. Qatarda o'tkazilgan "Laxviya" - "Al Nasr" bahsida 1:1 hisobi qayd etildi. 2-tur natijalaridan so'ng guruh jadvali quyidagicha ko'rinish olgan.

Guruhdagi vaziyat

#	Jamoa	O'	YU	D	M	UG - O'G	T-N	Ochk
1	Persepolis	2	2	0	0	4 - 0	4	6
2	Al Nassr	2	0	2	0	2 - 2	0	2
3	Bunyodkor	2	0	1	1	1 - 2	-1	1
4	Lahviya	2	0	1	1	1 - 4	-3	1

Ko'rib turganingizdek, "Bunyodkor" bir ochko bilan uchinchi o'rinda boryapti. Jamoa navbatdagi turni yana o'z maydonida, faqat bu safar oxirgi o'rinni egallab turgan "Laxviya"ga qarshi o'tkazadi. 17 mart kuni bo'lib o'tadigan bahsda "Bunyodkor"ni g'alabadan boshqasi qoniqtirmaydi. SHundagina jamoa keyingi bosqichga chiqish imkoniyatini qo'lga kiritishi mumkin. Guruh peshqadami "Persepolis" esa Saudiya Arabistoniga safar qilib, "Al Nasr" bilan kuch sinashadi.

Keyingi o'yinlar. 17 mart
"Bunyodkor" (O'zbekiston) - "Laxviya" (Qatar)
"Al Nasr" (S.Arabistoni) - "Persepolis" (Eron)



OCHL. "S" guruhi. 2-tur
"Lokomotiv" - "Fulad" 1:1

OCHL guruh bosqichida ilk bor ishtirok etayotgan "Lokomotiv" qanday bo'lmasin "Fulad" ustidan g'alaba qozonishi shart edi. SHundagina jamoa oldidagi vazifa biroz bo'lsa ham engillashardi. Biroq "temiryo'lchilar" hisobda oldinda borayotib rikoshet tufayli gol o'tkazib yuborishdi, buning ustiga ikkinchi taymda g'alaba to'pini kirita olishmadi.

Guruhdagi vaziyat

#	Jamoa	O'	YU	D	M	UG - O'G	T-N	Ochk
1	Al Sadd	2	1	1	0	1 - 0	1	4
2	Al Hilol	2	1	0	1	3 - 2	1	3
3	Fulad	2	0	2	0	1 - 1	0	2
4	Lokomotiv	2	0	1	1	2 - 4	-2	1

Hozircha jamoa bir ochko bilan guruhdagi oxirgi o'rinni egallab turibdi. "Lokomotiv" navbatdagi turni safarda guruh peshqadami "Al Sadd"ga qarshi o'tkazadi. "Al Sadd" bu tur o'z maydonida "Al Hilol"ni mag'lub etganini hisobga olsak, Abramov shogirdlariga oson bo'lmasligini taxmin qilish qiyin emas. Ikkita o'yindan beri durang qayd etayotgan "Fulad" esa o'z uyida "Al Hilol"ni qabul qiladi.

Keyingi o'yinlar. 17 mart
"Fulad" (Eron) - "Al Hilol" (S.Arabistoni)
"Al Sadd" (Qatar) - "Lokomotiv" (O'zbekiston)