OAV Ronalduning hech qachon "Manchester Siti"ga o'tmasligi to'g'risida aytgan gaplarini yodga oldi

Portalning qayd etishicha, futbolchi hech qachon "shaharliklar" tarkibiga o'tmaslikka vada bergan, chunki u 2003–2009 yillarda jamoaning asosiy raqiblaridan biri hisoblangan "Manchester Yunayted"da o'ynagan.

"Manchester Siti"ga hech qachon o'tmayman. "Siti"da iqtidorli futbolchilar ko'p va ular "Manchester Yunayted", "Arsenal" va "CHelsi" uchun muammo tug'dirishi mumkin. Lekin bu meni bezovta qilmaydi. Menga "Real"da o'ynash qiziqroq", — degan portugaliyalik futbolchi 2009 yilda Madrid klubiga o'tgandan keyin.

CHempionlar ligasida "Manchester Yunayted"ga qarshi o'yindan oldin ham Ronaldu "Manchester Siti"ga o'tishi mumkinligi to'g'risidagi savollarga javob berdi.

"Men bunday qilmayman. Nima uchun? CHunki "Manchester Yunayted" yuragimning bir parchasi. Sizningcha, pul fikrimni o'zgartiradimi? Bunday deb o'ylamayman. Menda puldan muammo yo'q. Agar pulga o'ch bo'lganimda, Qatarga borardim. Ehtimol, u erda "Manchester Siti"dan ko'ra ko'proq mablag'ga ega bo'lardim. Gap pulda emas, ishtiyoqda", — degan futbolchi.

Eslatib o'tamiz, portugaliyalik futbolchi 2018 yildan buyon "Yuventus" tarkibida to'p suradi. Uning turinliklar bilan shartnomasi 2022 yilning yozigacha amal qiladi. Ronaldu "keksa senorlar" safida jami 134 ta o'yin o'tkazib, 101 ta gol urgan.