Nozim Mullaoxunov: “Qaysi raqib bilan qachon o'ynashning ahamiyati yo'q”

- Birinchi turni safarda “Paxtakor”ga qarshi o'tkazadigan bo'ldik. Keyin esa o'z uyimizda “Lokomotiv”ni qabul qilamiz. Yashirmayman bizni oldinda juda qiyin o'yinlar kutib turibdi. Garchi ilk turlarni chempionatning grand klublariga qarshi o'tkazsakda, bundan shaxsan meni sira cho'chimayapman. Ularga qarshi biz ham munosib tayyorgarlik ko'ramiz va muxlislarimizni quvontirishga xarakat qilamiz. Oldindan taslim bo'lish yarashmaydi. “Andijon” ham bo'lajak bahslarda osonlikcha ochko ulashib yubormaydi va buni amalda isbotlashga xarakat qilamiz.

- CHempionatda qaysi raqib bilan qachon o'ynashni ahamiyati yo'q. Baribir grand klublarga qarshi bir kun kelib o'ynash kerak bo'ladi. SHu bois quraga oddiy qaradim. Asosiysi biz chempionatga munosib tayyorgarlik ko'rishga etibor qaratishimiz lozim. SHaxsan men har qanday raqib bilan o'yinda sira yutqazishni istamayman. SHu bois yigitlarni maydonga doim g'alaba uchun chiqishlarini talab qilaman.

- CHempionatning birinchi turini “Paxtakor”ga qarshi o'tkazadigan bo'ldik. To'g'ri, bu yil so'nggi turda bu raqibimizga yirik hisobda taslim bo'lganmiz. Lekin endi bo'lajak bahsga tayyorgarlik umuman boshqacha kechadi. Joriy mavsumning so'nggi o'yini bo'lgani uchunmi, yoki ochko olish unchalik ham zarur bo'lmagani boismi, yigitlar qandaydir o'zlarini ruhiy jihatdan tayyorlay olmagandir. Lekin kelasi yil “Paxtakor”ga qarshi jiddiy tayyorgarlik ko'riladi. Bitta “sherlar”ga emas umuman har bir o'yinga puxta hozirlik bo'ladi – deydi Nozim Mullaoxunov.

Islombek Rustambekov.