Nozim Mullaoxunov: "Bizga g'alaba ko'proq zarur edi"

Nozim Mullaoxunov ("UzDongJu" bosh murabbiyi): "CHempionatni boshlanishida muvaffaqiyatli start olgan edik. SHundan keyin ikki asosiy o'yinchilarimiz Bekzod G'oziev va Akmal Jo'raboevlarning jarohat olishlari shogirdlarimga ruhiy tomondan salbiy tasir ko'rsatdi. Bunday holatda futbolchilarni yana qaytadan jipslashtira olish murakkab masala. "Cementchi" juda yaxshi jamoa, yaxshi shakllanganligini ko'rib turibmiz. Ular ham bugun g'alabaga erishishlari mumkin edi. Lekin bizga g'alaba ko'proq zarur edi. Biz asosiy o'yinchilarimizning safga qaytishini kutayapmiz. Biz o'z oldimizga qo'ygan maqsadlarimizga qanday bo'lmasin, xoh chiroyli, xoh mazmunsiz o'ynab bo'lsada erishishga harakat qilayapmiz. Futbol g'alaba qozonishdan iborat. Bizda juda ko'plab yoshlar bor. Ular doimo o'z ustilarida ishlashda davom etishmoqda. Men har o'yinda har xil tarkiblarni tushirib ko'rayapman. Maqsadim har bir o'yinchiga ko'proq o'yin amaliyotini taqdim etish. Futbol doimo muxlislar uchun o'ynaladi. Muxlislarimizga ko'rsatayotgan o'yinimiz yoqayotgan bo'lsa biz xursandmiz.

 Fursatdan foydalanib bugungi o'yin uchun shogirdlarimga katta raxmat aytaman. Bugungi o'yinda taktik jihatdan ozgina kamchiliklarga yo'l qo'ydik. Kuchli sakkiztalikka kirish uchun tezlik bilan harakat qilmoqdamiz. Birinchi davra yakunlandi. Ikkinchi davraga puxta tayyorgarlik ko'rishimiz kerak. Keyingi o'yinlarda G'oziev va Jo'raboevlar qaytishini kutayapmiz. Barchasi shifokorlar qaroriga bog'liq. Ular safga qaytishsa o'yinimizda o'zgarishlar bo'ladi"

Komiljon Ikromov suhbatlashdi