No'mon Hasanov: "Navbahor"dan taklif tushgani rost lekin...

Oxirgi yillarni asosan ushbu klubda o'tkazib kelayotgan Hasanov bugungi kunda "Paxtakor" yoshlar jamoasiga ustozlik qilib kelmoqda. Yaqinda u kishining o'zi bilan o'zaro suhbatlashganimizda, oliy ligadan jiddiy chorlovlar bo'lmaganini, lekin kelajakda elita jamoalarining birida bosh murabbiy sifatida ishlash rejasidan o'rin olganini aytgandi.

Olingan malumotlarga ko'ra, Hasanov ushbu niyatiga etgan ko'rinadi. Boisi Namanganning "Navbahor" klubi rahbariyati No'mon Hasanovni murabbiylar shtabiga jalb etgan.

Ushbu xolat yuzasidan Hasanovning o'zi bilan bog'lanib, vaziyatga oydinlik kiritdik.
"To'g'ri, Navbahor klubidan taklif bo'ldi, buni inkor eta olmayman  deya dastlabki fikrlarini bildirib o'tdi Hasanov. Lekin bilasizmi, hozir hech narsa aniq emas. Jamoadagi ahvol juda og'ir. Bundan vaziyatda ish boshlashning o'zi kishini o'ylantirib qo'yadi. Hozircha Toshkentdaman. Ko'ramiz, bu masala balki shu kunlarda aniq bo'lib qolar", -  deya so'ziga yakun yasadi 42 yoshli murabbiy.

SHamol bo'lmasa darahtning uchi qimirlamaydi deganlaridek, Gayning sog'ligi bilan bog'liq muammo yuzaga kelgan bir paytda, Hasanovning Navbahor murabbiylar shtabidan o'rin olishi avvaldan rejalashtirilgandek go'yo. Voqealar rivojini vaqt ko'rsatadi. Kuzatamiz.


Islombek Rustambekov