No'mon Hasanov: "Ikkinchi bo'limda o'yinni kuchaytirdik"

No'mon HASANOV ("Paxtakor" bosh murabbiyi): - G'alaba bilan jamoa va muxlislarni tabriklayman. Uni tug'ilgan kunini nishonlayotgan Jamshid Iskanderovga bag'ishlaymiz. O'yin ikki xil bo'limdan iborat bo'ldi. Dastlab tashabbusga ega bo'lib, vaziyatlardan foydalana olmadik. Ikkinchi bo'limda faolroq o'ynab, bellashuvni foydamizga hal qildik. Barcha futbolchi tanaffusdan keyin juda yaxshi harakat qildi.

Lobanovni jarohati sababli almashtirdim. Birinchi bo'lim o'rtalarida u jarohat qiynayotganini aytdi. Uni zaxiraga olishni so'raganimizda bo'lim oxirigacha chidab berishini takidladi, biroq to'p o'tkazib yuborilgan vaziyatda unga bu holat pand berdi.

Qiyin o'yinlar endi boshlanyapti. Safarda bizni og'ir kechadigan bellashuvlar kutib turibdi. Hamma narsa oldinda. Biz yana 5 o'yinda maydonga tushamiz. O'sha bahslar barcha masalani hal etib beradi.