No'mon Hasanov: "Igor Golbanga vada bergan edim. CHunki..."

"O'yin yaxshi maydonda chiroyli tarzda o'tdi deb o'ylayman. Bugun besh nafar futbolchimiz biz bilan birga emas edi. SHunga qaramay yigitlar ko'rsatmalarni to'g'ri bajarib chiroyli o'yin namoyish qilishdi. Ko'rgan bo'lsangiz birinchi bo'limda bizda vaziyatlar ko'p bo'ldi. Negadir gol urolmadik, to'p darvozaga kirmadi. Lekin, xudoga shukur yakunda g'alaba qozondik. Ushbu g'alaba muxlislarimiz, ishqibozlarimiz uchun. Viloyat hokimimiz SHavkat SHakirjonovich Abdurrazoqovga qo'llab-quvvatlaganlari uchun rahmat aytib qolaman",- deydi No'mon Hasanov. 

- Jamoa futbolchisi Igor Golbanni Rossiyaga jo'nab ketgani haqida eshitdik. U terma jamoaning yig'iniga qadar etib keladimi?

- Igor Golbanga  "Bunyodkor" bilan o'yinda g'alaba qozonsak uyiga ruhsat berishimni vada qilgandim. CHunki, 8 oydan beri uyiga borgani yo'q. SHu bois vadamni ustidan chiqdim. Milliy terma jamoa yig'iniga etib keladi. 

- Aziz Turg'unboevning o'yini haqida fikrlaringiz...

- U individual jihatdan kuchli futbolchi. Uning ko'rsatgan o'yini sizlarga ham manzur kelgan bo'lsa kerak. Bejiz Aziz Turg'unboevni bu safar ham milliy terma jamoaga chaqirishmadi. Unda ko'p narsa bor. Bundan ham yaxshi o'ynash uchun ko'proq ishlashi kerak. 

- Bugun jamoa mehmonda o'ynaganiga qaramasdan ikkita hujumchi bilan harakat qildi...

- Futbolchilarni ruhiyatini ko'targan holda qo'rqmasdan ikki hujumchini maydonga tushirdik. Qaysidir manoda bu ularga dadillik berdi. Bilasizlar Qo'qonda faoliyat olib borganimda ham ikkita hujumchi uslubidan foydalanganman.