Nom Vinisiusni yuziga urgani uchun 2 ta o'yinga chetlatildi

"Real" La Liganing 9-turida mehmonda "Xetafe"ni 1:0 hisobi bilan mag'lub etdi.

77-daqiqada zaxiradan maydonga tushgan Nom bor-yo'g'i 44 soniya o'tgach, qanotda Vinisius bilan to'qnashdi va qo'lini chiqarib, uning yuziga tegib ketdi. Braziliyalik vinger erga yiqildi. Bosh hakam Xose Munuera Montero darhol qizil kartochka ko'rsatdi va epizodni qayta ko'rib chiqmadi. "Xetafe" o'yinni to'qqiz kishi bilan tugatdi – 84-daqiqada Aleks Sankris Vinisiusni oyog'iga tepgani uchun ikkinchi sariq kartochkani oldi.

Ispaniya futbol federaciyasi (RFEF) Nomni "to'pga etib borish imkoni bo'lmagan holda agressiv harakat qilgani uchun" ikki o'yinga chetlatdi.

Shunday qilib, Allan "Atletik" va "Jirona"ga qarshi o'yinlarda maydonga tushmaydi.