Nodirbek To'ychiev: “Yoshlarga yo'l berishni lozim topdim”

Buning sabablarini bilish maqsadida uning o'ziga murojaat qildik. 

- SHu kungacha sevimli “Andijon” jamoamizni qaerda bo'lmasin, har qanday xolatda qo'llab-quvvatlab keldik. Muxlislarni birlashtirib, ularni ahil oiladek qila oldik deb o'ylayman. Har xolda boshqa viloyatdagilar havas bilan qarab keladi. Jamoamizning qaysi safar o'yiniga bormaylik, mezbonlar bilan ham iliq munosabat o'rnatganimiz ustun kelib, uchrashuv paytida tinchlikni saqlagan xolda, madaniyatli bo'lib, futbolchilarni olqishlab boramiz. Inson yoshi o'tgan sayin asabiylashib borarkan. SHaxsan menda shunaqa xolat bo'ldi. Oxirgi vaqtlarda ko'p asabiylasha boshladim. Sog'ligim ko'tarmay qolayotgandi. Hammamiz uchun eng avvalo oila muqaddasdir. Farzandlarimiz ham bo'y ko'rsatib borayotgan bir paytda ishqibozlar sardori bo'lib yurish ham mantiqan to'g'ri kelmasa kerak degan fikrga bordim. SHuning uchun klub ofisiga borib o'z arizamga binoan istefoga chiqishga qaror qildim. Bu bilan orqamizda turgan yosh va serg'ayrat ukalarimizga yo'l berdik. Endi bu bilan “Andijon”ni o'yinlariga kirmayman demoqchi emasman. Bundan keyin ham sevimli jamoamning yutuqlarini ko'rishni istayman. Ishqibozga hech kim stadionga kirishni man eta olmaydi. SHu kungacha quyosh charaqlab chiqib turgan paytda ham 18-sektorda muxlislik qildik. Endi qarama-qarshi tribunadan o'rin olamiz. 

- Ishqibozlar klubi raisi sifatida yurganimda qo'limdan kelganicha yangilik yaratib, muxlislarni bir maqsad yo'lida jipslashtira olgandim. Endi keyingi rais kim bo'lishini men bilmayman. Faqat shuni istardimki, bundan keyin ham “Andijon” muxlislar klubi mavqeini yuqoriga ko'tarilishini. Kimdir yonimizga kelib maslahat so'rasa, imkon qadar to'g'ri yo'l yo'riq ko'rsatamiz. 

- Hozir sog'ligimni tiklashga etibor qaratyapman. Menimcha jamoamizning “Neftchi”ga qarshi kechadigan bahsiga kira olmasam kerak. Endi ko'proq oilam uchun vaqt ajrataman. 

- Endi qaysi sektorda o'yin ko'rishim mumkin? Keling, bu yaxshisi sir bo'la qolsin – deydi Nodirbek To'ychiev.