Nima uchun Ravshan Ermatov finalni boshqarishi kerak?
08 iyu 2014 10:04
Yangiliklar
Nima uchun Ravshan Ermatov finalni boshqarishi kerak?
Istaymizmi, yo'qmi hakamlar xam xato qilishadi. Axir, ular ham inson. Videotakrorlar amalda qo'llanilmaguncha hakamlik muammosi yuzaga chiqaveradi.
Perluiji Kollinadek yulduz hakamlar esa ayni paytda deyarli yo'q. SHu sababli, nega aynan Ermatov final o'yinini boshqarishi lozimligi haqida fikr yuritib o'tishga qaror qildik.
Birinchidan, 36 yoshli hakamning tajribasi. U judayam yosh paytidan boshlab Osiyo miqyosidagi musobaqalarni, yoshlar o'rtasidagi jahon chempionati uchrashuvlarida ishlagan.
Ikkinchidan, uning kamtarligi. Har kim ham Ravshan kabi o'z xatolarini tan olavermaydi. U tik turib hali o'rganadigan narsalari ko'p ekanligini aytib o'tgan.
Masalan, ochilish o'yinini boshqargan yaponiyalik hakam Yuichi Nishimura. Deyan Lovren va Fred o'rtasidagi to'qnashuvni eslaysizmi? Bu masalada yaponiyalik hakam tomonidan hech qanday tushuntirish berilmadi. Bundan tashqari, JCH saralashidagi O'zbekiston hamda Eron terma jamoalari o'rtasidagi hisobga olinmagan gol. Umuman olib aytganda, Osiyoda 2012 yilning eng yaxshi hakami unvoni ham Ermatovga berilishi kerak bo'lganligi aytiladi. Lekin, hurmat yuzasidan o'shanda Nishimuraga berilgan. SHunday bo'lsada men aytaman: Ermatov - Osiyoning 5 karra eng yaxshi hakami. O'ylaymanki, u o'sha yili ushbu unvonni qo'lga kirita olmaganidan hafa bo'lmagan.
Uchinchidan, mutaxassislarning etirofi. Barcha ekspertlar va sobiq hakamlar Ermatovning ishlarini yuqori baxolashmoqda. Ayni paytda hakam worldreferee.com sayti tomonidan hisoblab boriladigan reytingda birinchi o'rinda ketmoqda va final o'yinini boshqarish uchun imkoniyatlari yuqori. U JCHlarda o'yinlarni boshqarish bo'yicha rekord o'rnatishga ham ulgurgan! To'qqizta o'yin!
sports.ru saytidan Aziz To'xtamurodov tarjimasi
Fikrlar