Nevill nima sababdan ten Xag ketmayotganini aytdi

"Angliya Kubogi finalidan keyin muxlislar ten Xagning qolishini istashdi va qo'llab-quvvatlashdi. Ular so'nggi yillarda murabbiylarning istefosini ko'p ko'rishdi. O'sha vaqtlarda Grem Potter, Garet Sautgeyt, Tomas Tuxel nomzodlari ko'rib chiqilayotgani borasidagi xabarlar esimda. Muxlislar tomonidan bu katta tanqid ostiga olingandi.

Albatta, rahbariyat bozorga qaragani va imkoniyat izlagani aniq. Ular ten Xag jamoasini 100 foizga yaxshilaydigan ajoyib murabbiy topishganida, olib kelgan bo'lishardi. "Liverpul"da Kloppning o'rnini to'ldirish uchun 6 oy vaqt bor edi va nomzodlar orasidagi top-nomzodni tanlay olishdi.

Menimcha, klubdagilar o'zlariga qarab: "Biz ikki yilda yaxshiroq tizimga tusha olmay turib, ikkita sovrin yutgan murabbiyni ketkazib yuborib, boshqa murabbiyni olib kelishimiz yaxshi ishmi?" deyishgan bo'lishsa kerak", - dedi Nevill.