Nega PFL mukofot pullarini to'lashni cho'zmoqda? Diyor Imomxo'jaev javob beradi

Tashkilot hozirga qadar "Lokomotiv" "Paxtakor" "Navbahor" "Metallurg" "Sevinch" kabi klublarga mukofot pullarini berib ulgurgan. Boisi, bu klublar O'zPFL oldidagi majburiyatlarini bajarishgan.

Aytaylik, chempionatda ishtirok etish uchun badal pullari fevral oyidayoq to'lab berilishi kerak. O'zPFL har safar klublar o'ziga kelib olishi uchun imkoniyat beradi. To'lamading, ligadan yo'qol deyilmaydi. Birinchi navbatda licenziyalash talablari, keyin moliyaviy majburiyatlar. CHunki klublar ham pul berishni atay cho'zmaydi, ular ham homiylardan pul kelib tushishini kutadi.

SHundan kelib chiqib, "Bunyodkor" "Buxoro" "Andijon" "Mashal" "Istiqlol" AGMK kabi klublar bilan kelishuvga erishilgan. Ular mukofot puli olish uchun qanday qadam bosish kerakligini bilishadi va shu yo'lda harakat qilishyapti ham. Tez orada ularga ham o'z pullari nasib etadi", - deb yozadi Diyor Imomxo'jaev telegramdagi o'z kanalida.