"Neftchi": Yangilanish jarayoni davom etmoqda

Haqiqatdan ham, bugungi kunda futbolning, jamoaning rivojlanishida matbuot hizmatining o'rni  muhimdir. Hozirga kelib  rahbariyat tomonidan bu yo'nalishda katta ishlar amalga oshirildi. 20 millionga yaqin pul ishlatilib zamon talabiga javob beradigan videokamera, montaj uchun kompyuter va fotoapparat xarid qilindi. Bularning barchasi  jamoamizning chempion jamoalarga xos va mos axborot tizimini yo'lga qo'yishga qaratilgan. Siz aziz futbol ishqivozlariga qulayliklar yaratish uchun o'yin kuni, kechqurun “Ruxsor TV”, “Marg'ilon TV”dan o'yinlar to'laligicha namoish qilinishi va alohida chempionatga bag'ishlangan ko'rsatuv tayyorlash kelishib olindi.

Eng muhimi zamon talabiga javob beradigan yangi  saytimiz sinov uchun bugundan boshlab ishga tushadi. Kun sayin saytimizning rivojlantirib, siz aziz muhlislarimizning minbariga aylantiramiz. Ishontirib aytamizki  matbuot hizmati tomonidan bu yil ko'plab  yangiliklar rejalashtirilgan va hammasi faqat siz ishqibozlarning talab va hohishlaridan kelib chiqib hayotga tadbiq etiladi.

Yaqinda tuzilgan “Fan klub”imiz ham to'laqonliq bilan ishga tushsa, jamoamiz ishlari yurishib ketadi. Siz qadirli muhlislarimiz,  bu murakkab kunlarda jonajon “Neftchi”miz yonida turib, uni qo'llab-quvvatlasangiz, jamoamiz albatda  chempionatda yuqori o'rinlar uchun kurashadi.  “Neftchi”  faqat g'alabalar sari olg'a!!!


“Neftchi” PFK matbuot xizmati