"Neftchi": Yangi futbolchilar tanishtirildi (FOTO)

Mazkur tadbir 2016 yil, 1 avgust kuni Farg'ona shahridagi “Istiqlol” stadionining matbuot anjumanlari zalida o'tkazildi. Unda jamoa bosh murabbiyi Andrey Vitalevich Fyodorov hamda yangi futbolchilar Akmal Xolmatov, Sardor Rahmonov, Furqat Hasanboev, Nikita Pavlenko, Abdujamol Isroilov shuningdek OAV vakillari hamda bir qator jamoa ishqibozlari ishtirok etishdi.

Anjumanning ilk qismida jamoa ustozi Andrey Fyodorov “Neftchi”ning ikkinchi davraga bo'lgan tayyorgarlik jarayoni hamda yangi futbolchilar haqida o'z fikrlarini bildirib o'tdi.

Andrey Fyodorov: Xabaringiz bor, ikkinchi davraga tayyorgarlikni Dukentda olib bordik. Aytish kerakki, so'nggi yillardagi eng yaxshi yig'inimizni o'tkazdik. Ajoyib tashkilotchilikka ega bo'lgan Dukent yig'ini uchun “Neftchi” klubi rahbariyatiga rahmat aytaman. Bosh murabbiy sifatida yig'indan ko'nglim to'ldi. Yigitlar Dukentda xar taraflama ikkinchi davraga zo'r berib tayyorlanishdi. SHundan so'ng Toshkent shahrida 2 ta o'rtoqlik o'yinlari “Buxoro” hamda “Paxtakor” jamoalariga qarshi bo'lib o'tdi. Bu ikki foydali bahs orqali tayyorgarlik qay darajada foydali bo'lganini sinab oldik. Yaxshi bilasiz, yilda asosan ikki marta selekciya ishlari ustida jiddiy shug'ullanamiz. Biroq xar qanday murabbiy selekciya ishlaridan 100 % ko'ngli to'lishish qiyin bo'ladi. Biz ham imkon darajasida jamoani ikkinchi davra avvalida kuchaytirishga harakat qildik.

Akmal Xolmatov hamda Sardor Rahmonovlar ortda qaytarishga muvaffaq bo'ldik. Men bu yigitlarni yangi o'yinchi sifatida qabul qilmayman. Ularning imkoniyatlarini juda yaxshi bilaman. SHuningdek Nikita Pavlenko hamda Furqat Hasanboev kabi o'yinchilarni ham tarkibga jalb qildik. Yana bir yosh futbolchi Abdujamol Isroilov birinchi davradan beri biz bilan birga edi. Davralar oralig'ida uni ham qaydnomaga kiritdik va navbatdagi bahslarda jamoamiz sharafini himoya qilishi mumkin bo'ladi. “Neftchi”da turli yoshdagi futbolchilar jam bo'lishgan. Biz muntazam ravishda yoshlar jamoamizdagi yigitlarga ham asosiy tarkib o'yinlarida imkoniyat berib boryapmiz. Ertani ham o'ylashimiz kerak. Jamoa xar taraflama mustahkam va rivojlangan bo'lishini istayman. Yaxshi niyatlar bilan ikkinchi davrani qarshi olyapmiz. Albatta o'z rejalarimiz sodiq qolamiz va xar bir o'yinda muxlislarni xursand qilishga kirishamiz.

SHuningdek, futbolchilar ham jamoadagi yangi maqsad va rejalari bilan o'rtoqlashdi.

Nikita Pavlenko: “Neftchi”ga yordam berish va tajriba ortirish uchun Farg'onaga keldim. Klubda namuna bo'lishga arzigulik futbolchilar juda ko'plab topiladi. Akmal Xolmatdek futbolchidan ko'p narsa o'rganish niyatidaman. Murabbiyimiz bizga bir iborani ko'p aytib keladi: “Maydonda g'alaba qozonishga bo'lgan kuchli istakning o'zi ham katta natija hisoblanadi” SHunday ekan, bellashuvlarda bor imkoniyatni ishga solib natija uchun o'ynamiz.

Furqat Hasanboev: O'zim asli Farg'ona viloyatidanman. Buvayda tumanidan tug'ilib, katta bo'lganman. Qo'qondagi faoliyatim orqali farg'onalik muxlislar qanday ekanligini juda yaxshi bilaman. O'ta talabchan muxlislar deb aytish mumkin. “Neftchi”ga yordam berish uchun keldim. Qo'limdan kelgan barcha imkoniyatlarni ishga solib, jamoa ravnaqi yo'lida mehnat qilaman. Maqsadim murabbiylar ishonchini oqlash va muxlislarni xursand etishdir.

Sardor Rahmonov: Farg'ona mening ikkinchi uyimga aylanib qolgan. Qaytganimdan xursandman. Bu erlik muxlislarni juda yaxshi bilaman. Jamoaning avvalgi shonli natijalarini yana takrorlashga harakat qilamiz. Futbol muxlislar uchun o'ynaladi. Biz esa mazkur o'yinda g'alaba qozonib ularni xushnut etishimiz kerak. Albatta ikkinchi davrada yaxshi natijalar qayd etishga harakat qilamiz.

Abdujamol Isroilov: Jamoada juda ko'p tajribali o'yinchilar faoliyat olib borishmoqda. Maqsadim ulardan ko'p narsa o'rganish va jamoada o'z o'rniimga ega bo'lishdir. Jamoada yaxshi niyatlar bilan faoliyat boshladim.

Akmal Xolmatov: Men uzoq yillik faoliyatim davomida ko'plab jamoalarda o'ynadim. Aytish kerakki, “Neftchi”da juda ko'plab iqtidorli va mehnatkash o'yinchilar jam bo'lishgan. Ulardek yigitlarni boshqa joyda ko'rmadim. Hozir baland-parvoz gaplarni aytish niyatim yo'q. Lekin biz faqat muxlislar uchun o'ynamiz va g'alaba uchun hamisha kurashamiz deb dangal ayta olaman.

Rasmiy tadbirning so'nggi qismida jamoa azolari ikkinchi davrada qaysi raqamlardagi futbol liboslarida o'ynashlarini ommaga taqdim etishdi.

SHunday so'ng jamoa vakillari “Istiqlol” stadioni maydonida to'p bilan ishlash jarayonidan kichik ko'rinishlarni jurnalist va muxlislarga taqdim etishdi.

Akmal Xolmatov

Sardor Rahmonov

Nikita Pavlenko

Furqat Hasanboev

Abdujamol Isroilov

“Neftchi” matbuot xizmati