"Neftchi" - "Navbahor": Murabbiylarning o'zaro "dueli"

Uchrashuvning dastlabki bo'limining oxirlarida futbolchilar o'rtasida kichik nizolar kelib chiqdi. Uchrashuv derbi maqomida bo'lganligi bois, bunday vaziyatlarni "odatdagidek" deb baholash mumkin. Avvallari bundan ham badtar manzaralarga guvoh bo'lgandik.

O'yinning kulminacion nuqtasi birinchi bo'lim yakunangach kuzatildi. Futbolchilar maydonni tark etayotgan chog'da "Navbahor" bosh murabbiyi Baxtiyor Ashurmatov hamda "Neftchi" murabbiyi Sergey Lebedovlar o'rtasida qandaydir kelishmovchilik kelib chiqdi shekilli, ikkala mutaxassis ham asabiy tarzda subatlashishdi, ayrimlarning aytishicha, dahanaki jang mushtlashuvgacha ham borishi mumkin edi. SHu paytda ularning orasiga "Navbahor" murabbiyi Zohid Nurmatov qo'shildi. Farg'onalik tanishlarning malum qilishiga qaraganda, Nurmatov Lebedovga qo'l ko'targan. SHu joyda ularni ajratib qo'yishibdi. Uchrashuvni mehmonlar sektoridan kuzatganimiz bois, ushbu vaziyatlar bizga aytarli ko'rinmadi.

Uchrashuv nazoratchisi Sayfiddin Ermatovning ko'rsatmasiga binoan uchchala murabbiy ham o'yinni muxlislar qatoridan kuzatishga majbur bo'lishdi. Ushbu masalani albatta PFL ko'rib chiqadi. Hakamlar brigadasi bu boradagi fikr va xulosalarini federaciyaga etkazishadi. Yakunda esa, barcha murabbiylar jazolanishi mumkin. Avvalroq Ashurmatovga PFL tomonidan jazo belgilangandi.

Bu galgi derbida murabbiylar "o'zlarini" ko'rsatishdi. "Navbahor" murabbiylarining yo'qligi esa uchrashuv natijasiga tasir ko'rsatdi, deyish mumkin. CHunki, ikkinchi bo'limda "lochinlar" dastlabkisida ko'rsatgan o'yining yarmini ham ko'rsata olmadi.