"Neftchi" bosh murabbiyi: "Ishlashda davom etamiz"

Bahrom Haydarov: Birinchi o'rinda, mag'lubiyat uchun muxlislardan uzr so'rayman. Bu mag'lubiyat oxirigisi bo'lishiga harakat qilamiz. Raqibni esa g'alaba bilan tabriklayman. Gol ura olmayotganimiz juda katta muammolarga sabab bo'lmoqda. AGMKning tezkor qarshi hujumlari va standartlarini qabul qilish jarayoniga tayyorlangandik. Xatolar tufayli xuddi “Paxtakor” bilan bahs singari yana gollar o'tkazib yubordik. Ishlashda davom etamiz. “Neftchi” hamisha oldinga intiladi. Qachondir, omadimiz kelishiga ishonaman. Natija uchun yana bir bor muxlislardan uzr so'rayman.

Jalil Kimsanov: O'yinga puxta tayyorlangandik.  Ochig'i juda xayronman! Birinchi gol futbolchilarga ruhiy tasir qildi chog'i. Hujumlarga zo'r berib, himoyani unu tib qo'ydik. Raqibni esa g'alaba bilan tabriklayman. Muxlislardan uzr so'rayman.