"Neftchi": Asqaraliev, Turdialiev va Derkach ketdi, Olimov hamda Rahmonov ko'rikda

Toshkentdagi yig'in chog'ida jamoani yana bir nechta futbolchi tark etgan. Ko'p yildan beri farg'onaliklar sharafini himoya qilgan Sanjar Asqaraliev “So'g'diyona” bilan bo'lib o'tgan uchrashuvdan keyin jamoadan ketgan. SHuningdek, Farrux Turdaliev ham jamoa bilan xayrlashgan. Serbiyalik legionerlar umuman murabbiiylar ishonchini oqlay olishmadi va ortga qaytib ketishdi. Ukrainalik Andrey Derkachga (foto) ham javob berib yuborilgan.

Turli yoshdagi terma jamoalarimizda to'p surishga ulgurgan Abdulloh Olimov “Neftchi” mashg'ulotlariga qo'shildi.

“Paxtakor” futbol maktabi tarbiyalanuvchisi hisoblangan Abdulloh “Neftchi”ning “Mashal”ga qarshi o'rtoqlik uchrashuvida maydonga tushishga ham ulgurdi. Ayni damda bu futbolchi “Neftchi” mashg'ulotlarida ishtirok etmoqda. SHuningdek, turli terma jamoalar safida Jahon chempionatida qatnashgan Sardor Rahmonov ham sinovga taklif etildi.