Nazorat uchrashuvi. "Navbahor" - "So'g'diyona" 2:1

Uchrashuv teng kurashlar ostida boshlangan bo'lsada, "lochinlar" raqibiga nisbatan biroz kuchliroq o'yin ko'rsatdi. Dastlabki bo'limning o'rtalarida Rahmatullo Berdimurodov hisobni ochdi. Berdimurodov o'z uslubida jarima to'pidan gol kiritdi, 1:0.

Ikkinchi bo'limda Baxtiyor Ashurmatov tarkibda qator o'zgarishlarni amalga oshirdi. Buning natijasi o'laroq "lochinlar" jizzaxliklar darvozasiga yana bir to'p kiritdi. Uchrashuvning 56-daqiqasida Mo'yiddin Mamazulumov hisobni 2:0 ko'rinishiga keltirdi.

Ikkinchi bo'lim o'rtalariga kelib Davron Fayziev shogirdlari hisobni qisqartirishga muvaffaq bo'ldi, 2:1. Mazkur hisob o'yin oxirigacha o'zgarmay qoldi.

Ushbu uchrashuvdan so'ng futbolchilarga tatil berildi. Mashg'ulotlar 3 fevraldan yana Toshkentda davom ettiriladi.


"Navbahor"-"So'g'diyona" 2:1
Gol: Berdimurodov 25, Mamazulumov 56
"Navbahor": D.Usmonov, B.Akbarov, YU.Rijko, R.Berdimurodov, A.Samatov, R.Hasanov, I.Boydedaev, D.Jabborov, A.Leposavich, SH.Erkinov, M.Mamazulunov.
Zaxiradan tushganlar: M.Rasulov, A.Mahmudov, O.Valijonov, O.Halilov, A.Aliev, G'.Jo'raev, B.To'raboev, A.Turg'unboev.
“So'g'diyona”: M.Naumov, V.Magerramov, E.Oripov, A.Begimqulov, I.Komilov, M.Murodov, S.Rashidov, S.Qobilov, L.Safoev, O.Drajjuk, I.Toshpo'latov.