Navro'z Alimov: "Kuchli jamoalarga qarshi o'yinlar Birinchi ligada yordam beradi"

- O'yin haqida...

- Bugungi o'yin yaxshi bo'ldi. "Buxoro"ni g'alaba bilan tabriklayman. Tajriba o'z so'zini aytdi. Bizning tarkibimiz akademiyadan chiqqan yosh bolalar hisoblanadi. Mazkur bellashuv jamoa uchun katta tajriba bo'ldi. Kubok doirasida kuchli klublarga qarshi o'yin orqali Birinchi ligaga tayyorgarlik ko'ramiz. 

- Qaysi shogirdingiz esda qolarli o'yin namoyish etdi?

- Ulardan birini ajratib ko'rsata olmayman. Yigitlarning barchasi qo'lidan kelganini qildi. SHunday jamoaga gol urishning o'zi ham shogirdlarim uchun katta motivaciya bo'ldi.

- Jamoaning kubokdagi maqsadi qanday?

- Tan olish kerak, kubokdagi ishtirokimizdan maqsad tajriba orttirish hisoblanadi. Turnirda kuchli jamoalarga qarshi o'yin ligamizda yuqori o'rinlar uchun kurashishimizga yordam beradi.