Navro'z Alimov: "Futbolda hamma narsa bo'lishi mumkin"

O'yin haqida

- "Mashal" jamoasini g'alaba bilan tabriklayman. Navbatdagi bosqichlarda bu jamoaga omad yor bo'lsin. Biz kubok uchrashuvlari davomida katta tajriba to'pladik. Guruh bosqichida Superliga va Pro-liga klublariga qarshi maydonga chiqdik. O'zbekiston kubogida asosiy maqsadimiz ham shu edi, guruh bosqichiga chiqib, kuchli jamoalar bilan o'ynash orqalm tajriba to'plash.

- Yirik hisobdagi mag'lubiyatlar, masalan OKMK bilan o'yindagi 16:0 hisobi yosh futbolchilarning ruhiyatiga salbiy tasir ko'rsatmaydimi?

- Futbolda hamma narsa bo'lishi mumkin. Aytib o'tganimdek, bizning asosiy maqsadimiz tajriba to'plash va shu o'yinlar orqali Birinchi liga uchrashuvlariga tayyorgarlik ko'rish edi. Futbolchilarni katta jamoalarga qarshi turishi, Superliga maydonlarida o'ynashi katta tajriba bo'ldi deb o'ylayman. Mana shunday o'yinlar orqali yosh futbolchilar tajriba to'playdi, sinib qolish yoki qolmasligi o'ziga bog'liq.