"Navbahor"da yangi murabbiy ish boshladi
18 iyu 2021 01:18
Yangiliklar
![](https://championat.asia/upload/storage/649061_original.jpg)
![](/upload/storage/649061_220.jpg)
"Navbahor"da yangi murabbiy ish boshladi
Ushbu yangi murabbiy Serbiyalik Aleksandr Galich hisoblanadi.
"Xabaringiz bor, “Navbahor” 2-davra bahslariga jiddiy tarzda tayyorgarlik ko'rmoqda. Jamoamiz murabbiylar shtabidan yangi mutaxassis o'rin oldi. Bu serbiyalik mutaxassis Aleksandr Galich. Galich 1976 yili tug'ilgan. Futbolchi sifatida bir qator jamoalarda to'p tepgan. Sobiq hujumchi.
Murabbiylik faoliyati davomida Serbiyaning OFK (Belgrad), “Radnichki” (Kraguevac), BAAning “Emireyts” (Ras-el-Xayma), Toshkentning “Lokomotiv” va Xitoyning “CHanchun Yatay” (CHanchun) klublarida ishlagan.
“Lokomotiv” hamda “CHanchun Yatay” jamoalarida ayni paytda “Navbahor”da maslahatchi-murabbiy sifatida ishlayotgan Samvel Babayan bilan birga faoliyat yuritgan.
Aleksandr Galich jamoamizda jismoniy tayyorgarlik bo'yicha ish olib boradi.
Serbiyalik mutaxassis “lochinlar”ning kecha kechki payt “Markaziy” o'yingoh zaxira maydonida bo'lib o'tgan mashg'ulotida Viktor Jalilov boshchiligidagi murabbiylar shtabiga yordam berdi.
Biz Aleksandr Galichning “Navbahor”ning zafarlariga munosib hissasini qo'shishiga tilakdoshmiz", -deyiladi klub bayonotida.
O’xshash yangiliklar
![AMP Logo](https://championat.asia/image/logo-amp.png)
Fikrlar