Navbahor vodiy chempioni!

2015 yilgi chempionatda vodiyning to'rtta jamoasini oliy ligada qatnashganligidan xabaringiz bor. O'zbek futbolida o'z o'rniga ega bo'lgan “Neftchi”, “Navbahor”, “Andijon” va “Qo'qon-1912” jamoalari ishtirokidagi uchrashuvlar doimo murosasiz va keskin kurashlar ostida o'tib keladi. SHu sababli, yurtimizda “vodiy derbi”lariga bo'lgan qiziqish har safar yuqori bo'lib kelgan. Aksariyat klublarimizning muxlislari uchun qolgan o'yinlardar ko'ra vodiydagi raqiblarni mag'lubiyatga uchratish muhim sanaladi.

2015 yilgi chempionat yakunlariga ko'ra oliy ligada qatnashgan vodiy klublarining o'zaro natijalarini ajratgan holda o'ziga xos qiziq bir musobaqaga asos solish mumkin. Qatnashchilar mintaqalarga bo'linganda ularni ko'rsatkichlarida ham o'zgarishlar kuzatiladi. Masalan, “Neftchi” klubi joriy yilgi chempionat yakuniga ko'ra umumiy jadvalda vodiydagi barcha jamoalarni ortda qoldirdi. O'zaro uchrashuvlarda qayd etilgan natijalar inobatga olinganida esa “Navbahor”ni peshqadam bo'lganligi oydinlashadi. SHu sababdan qaysidir manoda “Navbahor”ni vodiy chempioni deb atash ham mumkin bo'ladi. Ashurmatov shogirdlari vodiyning qolgan jamoalari bilan o'tgan uchrashuvlarda 12 ochko to'plashga erishdi. Bu borada farg'onaliklar “lochinlar”dan uch ochkoga ortda qolishdi.

Umuman olganda vodiy klublari o'zlari ishtirokidagi o'yinlarda tomoshabin to'plash borasida qolganlarga qaraganda yaxshiroq ko'rsatkichga ega ekanliklarini amalda namoyish etishdi.

Xususan, vodiy vakillarining o'zaro o'tkazilgan 12 ta uchrashuvini bevosita stadionlarda 97728 nafar muxlis tomosha qilgan. Bu o'rtacha har bir o'yinga 8144 nafardan tomoshabin degani. Misol uchun XXIV milliy chempionatimizdan o'rin olgan 240 uchrashuvni o'yingohlarda 1 260 022 tomoshabin tomosha qilgan. O'rtacha har bir o'yinga 5250 nafardan muxlis. O'rtadagi farq deyarli 3000 muxlisni tashkil etmoqda.

Quyida o'zaro uchrashuvlardagi natijalar va vodiy jamoalarining o'zaro hisob-kitobidan keyin yuzaga kelgan jadval bilan tanishasiz.

1-davra
Neftchi - Navbahor - 1:0 (3-tur)
Qo'qon-1912 - Andijon - 0:0 (4-tur)
Andijon - Navbahor - 3:2 (9-tur)
Andijon - Neftchi - 0:4 (11-tur)
Qo'qon-1912 - Navbahor - 0:1 (11-tur)
Qo'qon-1912 - Neftchi - 1:2 (13-tur)

2-davra
Navbahor - Neftchi - 1:0 (18-tur)
Andijon - Qo'qon-1912 - 1:2 (19-tur)
Navbahor - Andijon - 1:0 (24-tur)
Neftchi - Andijon - 0:1 (26-tur)
Navbahor - Qo'qon-1912 - 2:1 (26-tur)
Neftchi - Qo'qon-1912 - 0:1 (28-tur)