"Navbahor" transfer qil(ayot)gan legioner...

Faxriddin Ro'ziev telegramdagi kanalida qirg'iz forvardi haqida sizni qiziqtirishi mumkin bo'lgan bazi malumotlarni keltirdi.

1990 yilda tug'ilgan futbolchi faoliyatini "Dordoy"da boshlagan. Uning terma jamoadagi debyuti 18 yoshida Nepalga qarshi bahsda sodir bo'lgan.

Murzaev 2010 yilning yanvarida Moskvaning "Lokomotiv" klubiga transfer bo'ladi. U "temiryo'lchilar"ning asosiy tarkibiga kirolmay, o'rinbosarlar jamoasi safida yarim yil qolgan.

O'zini legioner sifatida Turkiya, Isroil, Kipr va Hindistonda ham sinab ko'rgan. Hozirgi (yoki oxirgi) jamoasi "Alga".

Hujum chizig'ining istalgan nuqtasida o'ynay oladigan futbolchi qirg'iz chempionatining eng qimmatbaho futbolchilaridan biri hisoblanadi (250 ming evro).

Bazi manbalarga ko'ra, u Qirg'iz Respublikasi terma jamoasi tarixidagi eng yaxshi to'purar hisoblanadi (15).

U "Navbahor"ning asosiy posboni O'tkirbek Yusupov darvozasiga bir marta gol urgan. Bu voqea mart oyida o'tkazilgan "Navruz cup-2022"da sodir bo'lgan edi.

SHuningdek, Murzaev ijtimoiy tarmoqlarda ancha mashhur. Uning instagramda 100 mingga yaqin kuzatuvchisi bor. Bu borada "Navbahor"ning hech qaysi futbolchisi Mirlanga tenglasha olmaydi...

Obuna bo'ling → FA| futbol ANALIZI