"Navbahor": Tog'dagi yig'in davom etmoqda

Bo'stonliq tumanidagi mashg'ulotlar davomida asosiy etibor futbolchilarning jismoniy holatini yaxshilashga qaratilgan mashqlar bajarilmoqda. Yani futbolchilar mashg'ulot davomida asosan yugurishmoqda. O'tgan vaqt davomida tarkibga yangi futbolchilarni kelib qo'shilmaganligi aytib o'tish joiz. Aksincha, birinchi davrada “Navbahor” sharafini himoya qilgan bir qator futbolchilarni boshqa klublar safiga qo'shilganligi oydinlashdi. Hujumchi Mo'ydin Mamazulumov “Olmaliq” mashg'ulotlarida qatnashmoqda. Mavsum arafasida “Bunyodkor” jamoasidan kelib qo'shilgan Xayrulla Karimov va Sardor Azimovlar ham “Bunyodkor”ga qaytishdi, yarim shhimoyachi Nodir Mavlonov esa “Obod” tarkibida shug'ullanmoqda. Bundan tashqari birinchi davrada jamoada harakat qilgan Alibek Turobov, Obid Jo'raboev, Anvar Rajabov, Hasan Asqarov, Aziz G'ulomxo'jaev, Sanjar Asqaraliev, Alibobo Rahmatullaevlar ham mavsum ikkinchi yarmini boshqa klublar safida o'tkazishadi. Yuqorida nomlari qayd etilgan futbolchilarning aksariyatiga birinchi davrada kam o'yin amaliyotiga ega bo'lganligi sababli boshqa jamoalarga o'tishlariga ruxsat berilgan. Umumiy hisobda ayni paytdagi mashg'ulotlarda 19 nafar futbolchi qatnashmoqda.   

Jamoamizdagi yana bir darvozabon Aleksandr Korniychuk esa poytaxtda davom ettiriladigan mashg'ulotlarda safga qo'shiladi. Kelgusida ushbu posbonni “Navbahor”da o'ynovchi murabbiy sifatida faoliyat yuritishini ehtimoli ham yuqori. Yani u darvozabonlarga ustozlik qiladi. Ukrainalik hujumchi Vladislav Pavlenko ham “Navbahor”ga qaytmasligi mumkin. Ayni paytda futbolchiga bir qator klublardan taklif tushayotganligi sababli boshqa jamoaga o'tish variantini ko'rib chiqmoqda.

“Navbahor”ning Xojikentdagi yig'inida qatnashayotgan futbolchilar ro'yxati.
Darvozabonlar: Akmal Ortiqov, Artur Parvanov (“Norin” jamoasidan taklif etilgan), Mirzohid Mamatxanov;
Himoyachilar: Tohir SHamsiddinov, Qahramon Mahammadjonov, Hojiakbar Yunusov, Farruh Nurliboev, Murod To'ychiboev  (ikkalasi ham “Norin”);
Yarim himoyachilar: G'ayrat Jo'raev, Alisher Mahmudov, Akram Bahriddinov, Azizbek Turg'unboev, Doniyor Inamov, Dilshod Jabborov, Azam Aliev, Bilol SHarofiddinov (“Xotira-79”);
Hujumchilar: SHohjahon Abbosov, Abdumalik Abdullaev (“Andijon”), Vladislav Aleksin (“Norin”).