"Navbahor" - "Olmaliq": PREVYU

Raqiblar O'zbekiston chempionatining oliy ligasida shu kunga qadar 18 bor o'zaro kuch sinashishgan. 2008 yili asos solingan qarama-qarshiliklarda Navbahor besh bor Olmaliqni mag'lubiyatga uchratgan. Olmaliqliklar hisobidagi g'alabalar soni esa to'qqiztani tashkil etmoqda. To'rt o'yinda esa kuchlar teng kelgan. To'plar nisbatidagi ko'rsatkich 26:28, "Olmaliq" foydasiga. O'zaro o'yinlardagi eng yirik hisob 2011 yili kuzatilgan. O'shanda jamoamiz Olmaliqdagi Metallurg o'yingohida mezbonlar darvozasiga javobsiz uchta to'p kiritgandi. O'zaro o'yinlar tarixida "lochinlar" "Olmaliq"qa uch to'p farqi bilan engilishmagan. Namanganda o'tkazilgan umumiy 9 o'yinning 3 tasida "lochinlar" 3 ochkoga ega bo'lishgan va xuddi shuncha durangga imzo chekishgan. Etiborlisi, Namanganda kechgan so'nggi ikki qarama-qarshilikda kuchlar teng kelgan. 2010, 2011 va 2013 yillarda "olmaliqliklar" mehmondan g'alaba bilan ortga qaytishgan. "Olmaliq" bilan o'tkazilgan o'yinlar tarixiga nazar tashlaydigan bo'lsak, "Navbahor" nomidan SHahboz Erkinov raqibga qarshi o'yinda beshta golni o'z nomiga yozdirib, o'zaro qarama-qarshiliklarda to'purarlik qilib turibdi.

Namangandagi "Markaziy" o'yingohda boshlanadigan uchrashuvni navoiylik Rustam Bobomurodov boshchiligidagi hakamlar brigadasi boshqaradi. Unga qanotlarda hamshaharlari Obid Jumaev va Ruslan Samandarovlar yordam berishadi. Zaxiradagi hakam sifatida Igor Xudaydatov qayd etilgan. Nazoratchi vazifasini esa Arslon Hotamov bajaradi. Aleksey Frolov uchrashuvni PFL vakili sifatida kuzatadi.

Namanganda o'tkazilgan o'yinlar:
2008 yil
"Navbahor" - OTMK - 2:0 (1:0).
Gollar: SH. Mirxoldirshoev (25), D. Xojiev (85).

2009 yil
"Navbahor" - "Olmaliq" - 0:0.
Gollar: S. Usmonxo'jaev (27), B. Haydarov (72-pen.).

2010 yil
"Navbahor" - "Olmaliq" - 0:1 (0:0).
Gol: N. Otaqo'ziev (68).

2011 yil
"Navbahor" - "Olmaliq" - 0:1 (0:0).
Gol: Z. Pirimov (80).

2012 yil
"Navbahor" - "Olmaliq" - 3:1 (0:0).
Gol: S. Hamidov (8,20), J. Irismetov (60) – S. Berdiev (74).

2013 yil
"Navbahor" - "Olmaliq" - 1:3 (1:3).
Gollar: S. Hamidov (4) - O. Jo'raboev (25), S. SHoahmetov (32, 35).

2014 yil
"Navbahor" - "Olmaliq" - 3:1 (2:1).
Gollar: B. Yoqubov (36), SH. Erkinov (39, 63) - SH. Hakimov (28)

2015 yil
"Navbahor" - "Olmaliq" - 2:2 (2:1).
Gollar: SH. Erkinov (38, 68) - SH. Salomov (45+2), A. Omonov (59)

2016 yil
"Navbahor" - "Olmaliq" - 3:3 (0:2).
Gollar: A. Abdullaev (47), I. Isoqjonov (49), A. Mahmudov (72) - X. Muxtorov (7), M. Isaev (28), I. Inomov (50)