"Navbahor": Mavsumni sakkizinchi o'rinda yakunladik

Birinchi bo'limda o'yin borasida ustunlik maydon egalari tomonida bo'ldi. "Navbahor" tashkil etgan xavfli hujumlari orasida Otabek Valijonov, SHahboz Erkinov va Sanat SHixovda qulay imkoniyatlari golga aylanishi mumkin edi. Ammo, ko'p xolatlarda "temiryo'lchilar" himoya chizig'i ishonchli harakat qildi. Raqib vakillaridan esa Marat Bikmaev qulay imkoniyatlardan foydalan olmaganini taxkidlash lozim. Tanaffusga bir daqiqa qolganida Timurxo'ja Abduxoliqov "Lokomotiv"ning birinchi goliga mualliflik qildi. Tanaffusga jamoalar 0:1 hisobida yo'l olishdi.

Uchrashuvning ikkinchi yarmida mavsumni ko'tarinki ruhda yakunlash va ettinchi pog'onaga ko'tarilish istagida maydonga tushgan "navbahorchilar" ketma-ket ikki bor Mamur Ikromovni ranjitishni uddasidan chiqishdi. Dastlab Otabek Valijonov SHixovning to'p uzatishidan so'ng hisobni tenglashtirdi. 68- daqiqaga kelib Sanatning o'zi ham o'z nomiga gol yozdirib qo'ydi. Bu safar Valijonov jamoadaoshi goliga assistentlik qildi. SHundan so'ng mehmonlar safardan uch ochko bilan ketish ilinjida hujumga katta kuch sarflashdi. Bu urunishlar so'nggi daqiqalarda o'z samarasini keltirdi. Qo'shib berilgan daqiqalarda ikki burchak to'pidan so'ng "Lokomotiv" futbolchilari "Navbahor" darvozasini ishg'ol etishdi. SHu tariqa "Navbahor" joriy mavsumni sakkizinchi pog'onada yakunlashdi.

"Navbahor" - "Lokomotiv" 2:3 (0:1). 21 noyabr. Namangan. "Markaziy" o'yingoh.
Hakamlar: R. Bobomurodov, O. Abduvosilov, O. Jumaev, I. Xudoydotov.
Nazoratchi - I. SHaripov.
Navbahor: 87. Akmal Ortiqov, 2. Alisher Samatov, 5. Rahmatillo Berdimurodov, 7. Sanat SHixov, 8. Azim Ahmedov, 11. Otabek Valijonov (10. Alisher Mahmudov, 87), 21. Azam Aliev, 22. SHahboz Erkinov, 27. Robbim Hasanov, 29. Dilshod Jabborov, 33. Tohir SHamsitdinov.
Lokomotiv: 12.Mamur Ikromov, 4.Bobir Yo'ldoshev, 9.Dilshod Rahmatullaev (28.Ikrom Aliboev, 73), 10. Marat Bikmaev, 11. Timurxo'ja Abduxoliqov (77.Jasur O.Hasanov, 56), 13. Lutfullo To'raev, 16. Jasur J. Hasanov (55.Muydin Mamazulumov, 82), 18. Timur Kapadze, 20. Islom To'xtaxo'jaev, 22. Sanjar SHoahmetov, 33. Oleg Zoteev.
Gollar: O. Valijonov (52) S. SHixov (68) - T. Abduxoliqov (44), L. To'raev (90+1), M. Mamazulumov (90+2)
Ogohlantirishlar: SH. Erkinov (32) A. Samatov (72) - I. To'xtaxo'jaev (64).