"Navbahor": Dastlabki yig'in yakunlandi

Yig'in so'nggida jamoa birinchi liga vakili Uychining “Xotira-79” jamoasi bilan nazorat o'yinida maydonga tushdi. “Navbahor-Umid” futbol maktabining suniy qoplamali maydonida bo'lib o'tgan o'yinda uychiliklar 2:1 hisobida g'alaba qozonishdi. Uchrashuv debyutida Tohir SHamsitdinov jarima maydonchasiga etkazib berilgan to'pni darvozaga yo'llab hisobni ochishga erishgandi. Birinchi bo'limning o'zida Davron Isoqov va Sohib Abdullaevlar Akmal Ortiqov darvozasiga bittadan to'p kiritib, “Xotira-79” jamoasini hisobda oldinga chiqib olishini taminlashdi. Futbolchilarda gol urish bir qator imkoniyatlar bo'lishiga qaramay hisob o'zgarishsiz qoldi.

"Navbahor" uchrashuvni quyidagi tarkibda o'tkazdi: Akmal Ortiqov, Tohir SHamsitdinov, Azizbek Mamazoyitov, Ilhom Boydedaev, Dilshod Jabborov, Azam Aliev, G'ayrat Jo'raev, Azizbek Turg'unboev, Alisher Mahmudov, Ravshan Xursanov, Abdumalik Abdullaev.

Zaxiradan maydonga tushganlar: Abdulaziz Sultanov, Bilol SHarofiddinov, Ilhom Aliboev, Mirzohid Mamatxonov.

SHu o'rinda “Xotira-79” jamoasi safida faoliyatlari davomida “Navbahor” klubi sharafini himoya qilgan Sohib Abdullaev Davron Isoqov, Rahmon O'rinov, Farhod SHokirov Muhammad Rasulov, Botir To'raboev, Bahrom Yo'ldoshev, Sardor Telyakov va Sanjar Toshpo'latov kabi futbolchilar to'p surishdi.

Uchrashuvdan keyin futbolchilarga yangi yil bayrami munosabati bilan qisqa muddatlik tatil elon qilindi. Jamoamizning navbatdagi yig'ini 2017 yilning 4 yanvar sanasida Toshkentda boshlanadi. Aynan shu yig'in chog'ida tarkibga bir qator yangi futbolchilarni qo'shilishi rejalashtirilgan.