"Navbahor": CHiptalar narxi arzonlashdi

Superliga 19-turi doirasidagi “Navbahor” – “Paxtakor” uchrashuvidan boshlab, "lochinlar" o'z uy o'yinlarini o'tkazadigan “Markaziy” o'yingohga kirish chiptalari arzonlashtirilib, 30 ming so'mlik chipta narxlari 20 ming so'mga tushirildi.

Endi sevimli jamoa ishqibozlari 4,5, 6, 7, 8,9, 14, 15, 16, 17, 18 va 19 sektorlar uchun 15 ming,  2,3, 10, 11, 12, 13, 20 hamda 21-sektorlar uchun 20 ming so'mdan chipta xarid qilishlari mumkin.

Bundan tashqari, “Navbahor” – “Paxtakor” uchrashuvi uchun chiqarilgan har bir chipta yutuqli hisoblanib, “Navbahor” muxlislari xarid qilgan chiptalariga 2 dona  smartfon, “Navbahor” klubi brendi ostidagi futbolkalar, soyabonlar va “Navbahor” jamoasi futbolchilarining imzolari tushirilgan to'plar yutib olish imkoniyatiga ega bo'lishadi.

Demak, ishqibozlar xarid qilgan chiptalariga sevimli jamoalari ishtirokidagi o'yinni tomosha qilishdan tashqari, o'z uylariga sovg'alar bilan qaytish imkoniyatiga ham ega bo'lishadi.

 
Bundan tashqari, “Navbahor” – “Paxtakor” uchrashuvidan oldin Namanganning taniqli xonandalari tomoshabinlarga o'zlarining dilrabo kuy-qo'shiqlari biln zavq ulashishadi.

Superliga 19-turi doirasidagi “Navbahor” – “Paxtakor” uchrashuvi uchun chiptalar 26 iyuldan sotuvga chiqadi. Mazkur bahs 28 iyul kuni soat 20:00da start oladi.  

“Navbahor” PFKning barcha say-harakatlari muxlislarga yaxshi va qulay shart-sharoitlar yaratishdan iborat.

Sevimli jamoangiz -  “Navbahor”ni qo'llab-quvvatlang hamda maxsus sovg'alarga ega bo'ling!

“Navbahor” PFK matbuot xizmati.