Natan Ake "Reding"ga ijaraga berildi

U 22 aprelga qadar ushbu klub sharafini himoya qiladi. Gollandiyalik futbolchi 2011 yildan buyon "CHelsi"da jami 11ta o'yin o'tkazdi.

Natan universal futbolchi hisoblanadi, u tayanch yarim himoyachisi, chap yoki markaziy himoyachi o'rnida o'ynay oladi.

Biroq ayni paytda Joze Mourino jamoasida raqobat juda yuqori bo'lgani uchun 20 yoshli Ake deyarli maydonga tushmayapti. SHu bois Natan bir oy davomida "Reding"da o'ynaydi.

Klark jamoasi Angliya kubogi yarim finalida "Arsenal"ga qarshi o'ynaydi. Ake "Uembli"da maydonga tushmaydi, sababi bu musobaqada u "CHelsi" safida o'ynab bo'lgan.