“Nasaf” muxlislarini ro'yxatga olish boshlandi

SHu kunlarda barcha futbol klublarida yangi mavsumga jadal tayyorgarlik ko'rilmoqda. SHuningdek muxlislar klublari ham o'zlarining tadbirlarini amalga oshirishga kirishishdi.

“Nasaf” muxlislar klubi ham yangi mavsumga tayyorgarlikni boshlab yubordi va o'z azolarini qayta ro'yxatga olishga qaror qildi. Muxlislar klubining bir guruh faol azolari tomonidan qator tadbirlar ishlab chiqilgan, bu tadbirlarni va rejalarni mavsum oldidan umumiy yig'ilish o'tkazishib, klub azolari bilan birgalikda tasdiqlab ham olishmoqchi.

Demak, “Nasaf” muxlislar klubiga azo bo'lishni istagan muxlislarni “Nasaf” PFKning “Markaziy” stadioni qoshidagi muxlislar klubi qarorgohiga kelishlarini taklif etamiz. Azo bo'lishni hohlagan muxlislar o'zi bilan birga pasportining kseronuxasini, 2 dona 3X4 fotosurat hamda o'zi haqidagi malumotlarni taqdim qilishlari kerak. SHaxsiy malumotlar blankasi muxlislar klubi tomonidan taqdim etiladi.

Qarshi shahridan o'zoqroqda yashovchi muxlislar saytimizning amaldagi elektron pochta manzili info@voha.uz ga talab qilingan hujjatlarni jo'natib ham azo bo'lishlari mumkin. O'zi haqidagi malumotlarni saytimizning mana shu linkdagi so'rovnomani to'ldirib pochtamizga jo'natishlari kerak. Bundan avval saytimiz orqali ro'yxatdan o'tganlar bundan mustasno.  

Ro'yxatga olish 10 martgacha davom etadi va 15 mart kuni bo'ladigan birinchi uchrashuv oldidan muxlislar klubi azolari ishtirokida umumiy yig'ilish o'tkaziladi. Ummumiy yig'ilish o'tkaziladigan aniq kunni, vaqtini va joy manzilini saytimiz orqali avvaldan elon qilamiz.

Malumotlar uchun telefon: +998 91 462 21 99 (O'zoqov Uktam) va +998 95 505 11 17 (Safarov Ziyodullo).