"Napoli" sport direktori Kvaracxeliyaning agenti bilan uchrashdi

Amaldagi shartnoma 2027 yilning yozigacha mo'ljallangan.

Malumotlarga qaraganda, klub sport direktori Jovanni Manna futbolchining agenti Mamuka Jugeli bilan uchrashgan. Neapolliklar yiliga 5 million evro maosh taklif qilmoqda va u oshib boradi, lekin 8 mln.dan ortmaydi.

Futbolchi vakillari esa maosh birinchi yil 5 mln bo'lib, uchinchi-to'rtinchi mavsumdan 8-9 mlngacha ortishini istashmoqda.

Biroq muzokaralardagi asosiy muammo  tovon pulida bo'lib, gruziyalikning agenti uni 80 mln evro qilib belgilab, 2022 yilda futbolchini Neapolga bor yo'g'i 9 mln + bonuslar evaziga olib kelgani uchun agentga ham keyingi sotuvdan foiz berilishini so'rashmoqda.